Ich Jorig von Chu^eennring, herre zu Seueld, lanndtmarschalh in Osterreich, embeut Walthesarn dem Oder zu Sachsenndorf¹ mein dinst. Mich hat furbracht der ersam geistlich herre Mertt abbt des goczhaus zu Gottweig, wie du und die dein von deinen wegen seins goczhaus holden zwen mit namen Casparn Pauren und Thaman den Knewssel zu Krubstetn gesessen auf seins goczhaus grunten gefanngen und die in hertter venkchnus haltest und solhs im und seim goczhaus von dir und den dein von deinen wegen geschech mit gwalt an recht, des er und sein goczhaus schaden nêm. Emphilich ich dir von meins gnadigisten hern . . des Romischen kaiser etc. herczogen zu Osterreich und zu Steir etc. und meinen wegen, das du den vorgenanten abbt umb sein egemelt Zuspru^ech unclaghaft machest. Hiettes^a tu aber darinn icht widerred, das du dann von heut uber vierczehen tag her fur mich oder mein anwalt komest und dich darumb gen im oder seinem anwalt verantwu^ertest, so wirdet man ew zu baiderseit gen einander verhorn und ydem tail widergen lassen, was recht ist. Geben zu Wienn an montag sand Pangreczentag anno domini etc. sexagesimo.||
Aufschrift: Die erst ladung, so mein herr auf den Oder genomen hat, die man von ursach wegen fallen hat lassen.

Source Fulltext: FUCHS, Göttweig II (=FRA II/52, Wien 1901) S. 519-520