Wir Albrecht etc. dem abbt zu Gotbeig etc. Wir enphelhen dŷr ernstleich, das dw unserm getraun lieben Ludbeig Weitmu^elner aus der sum habern, dŷe dw her in unsern kastn jerleich schuldig pist ze geben, den habern, so im zw unserm gesloss Lembach¹ ze raihen geordent ist, von dem gegenbu^ertigen jar mit sambt seinem ausstandt fuederleich ausrichtest und antburttest an vercziehen und darumb gwittung von im nemest. So wellen wir dŷr den an deiner egenanten sum habern abcziehen lassen, so du uns des mit seiner gwittung webeissest doch dŷr und deinem goczhaus ewiger rechten unvergriffen etc. Geben ze Wien am mantag nach letare in der vasten anno domini etc. in dem LXIII.

Source Fulltext: FUCHS, Göttweig II (=FRA II/52, Wien 1901) S. 543