Hochwirdiger etc.! Mir hat meiner rotmaister ainer genant Andreasch Peheim anpracht, wie im dy ewren rosz und ainen wagen und etwas mer dabeÿ genomen haben. Nwn wolt der bemelt mein rotmaister ewer lewt umb solhs fu^ergenomen haben, das ich allso bisher von ewrn wegen understanden hab. Darauf pit ich ew, ir wellet daran sein, damit ew und den ewren nicht grosser unradt daraus ergee und der mein diener unklaghaft fu^eran gehalten werd, wo ich ew darinn gediennen mag. Des pin ich willig ze thun. Ewr antwurt verschriben lasset mich beÿ dem poten widerumb wissen. Datum Hawgstorf an pfincztag vor dem sunntag letare anno etc. LXIIII. Wilhalm Lewprechtinger zw Hawgstorf.

Source Fulltext: FUCHS, Göttweig II (=FRA II/52, Wien 1901) S. 571