Reverendissime etc.! Noveritis vestra reverenda paternitas animo queruloso et proch dolor doloroso dominum Petrum V^eberagker decanum, vestre reverende paternitatis officialem in Mauttarn, nos cum provincialibus in opido Hadersdorff occasione diete hiis superioribus diebus inibi celebrate existentes quendam monasterii vestre reverende paternitatis fundacionis Gottbicennsis professum, fratrem Nicolaum, ad tunc et presens parrochialis ecclesie prefate in Mauttarn eius dicto monasterio unite ad Mauttarn nostre congregacionis disposicionem ibidem provisorem, nescimus quo ductus spiritu, eundem in eius iurisdictionem obedienciarum sew fori ad se per eius nunccium ad ipsius curie residenciam vestre reverende paternitatis nomine venire vocavit, quem prefatus decanus sacris beati patris Benedicti constitucionibus ac approbate eius regule sancte consuetudinibus penitus spretis atque semotis presumpcione temeraria suis mancipavit vinculis eumque sine omni iuris ordine contra deum et equitate iusticie naturalis spiritualium personarum, contra quem legisticas ast canonicas sancciones inris positivi suis absque demeritis nobis ac toti sacro ordini sancti Benedicti in dedecus ad eius sacris approbatis constitucionum libertatibus inproperium et demolicionem pluribus diebus usque ad provincialium scriptum tenoris hic inserti dire suis conservavit ergastulis, Idcirco vestram reverendam paternitatem devocius cum condigna humilitate imploramus, quatenus eadem omnem possibilem humanitatem prenominato decano ac sibi commissis tempore omni precipue hiis differenciis terre vigentibus ob respectum vestre reverende paternitati prestitam,^a deinde omnibus iuris disposicionem prelibatique beati Benedicti patris nostri constitucionum ac regule sancte consuetudinis approbacionem eiusque ordinis ast monasteriorum omnium libertatibus defensionem, ne hec in diversitatem dedecusque secularium ac religiosarum personarum in ea aut consimili re periculosius labi contingat, oculis pietatis intueri et intime attendere et nobis in supra expositis, que ab evo fundacionis predicto monasterio tam inhumaniter non sunt illata, graciosius compati. Insuper de dicto decano iusticiam ad condignum cum satisfaccionis complemento nobis provocare velit servatis in hiis erga nos debita caritate et reverencia, cui assistere volumus corpore rebus et omnibus nobis adeo tallatis seu conferendis. Nos quoque erga vestram reverendam paternitatem observabimus ea, que obediencie reverencie ac fidelitatis existunt sperantes tantum complacere, quantum quis debeat vel possit de vestris prelatis seu subditis, recommendantes nos ac nostri ordinis ac sacri constitucionis privilegiorum vestre reverende paternitati, ut conservatori predigno earundem eandem responsa grata cum effectu nobis amministrare curet in laudem dei animarumque salutem exinde graciam nunc receptura a deo et gloriam in seculo futuro. Ex Gottbico undecima die mensis marcii anno domini etc. LXIIII. Vestre reverende paternitatis humiles et devoti fratres Martinus abbas totusque conventus monasterii Gottbicennsis. Adresse: Reverendissimo etc. domino Vdalrico ecclesie Pataviennsis episcopo etc.

Source Fulltext: FUCHS, Göttweig II (=FRA II/52, Wien 1901) S. 572-574