Edler, besunder lieber herr! etc. Als ir unsers gotzhaus taÿl getraidzehensts^a1 zu Peternel und daselbs umb dye nagstvergangen jar mit und ausserhalms westannds der unser vechsen und fuern habt lassen und uns darumb auf unser meni^eger ervorderen und bitten hinczher chain beczallung getan habt, dadurch wi^er in meniger wegen in chaynerlaÿ nu^eczperchait, sunder schaden gefurt sein, yedoch bitten wi^er euch noch in anda^echtigen vleis unsers gottzhaus unuberwintleich verderben in den kriegjar^en enphangen mit sambt unser meniger anligkunder notturftichait sunderleich die pillichkait anzesechen und uns umb solh und all ausstendt gevechsent zehnnt, der wir ew durch unser hoffmaister zu Wienn und diener warleich beraytten mugen und wellen an verrer vercziechen mit traid gancze weczallung oder uns in gelt vollig benu^egen darumb tuet, und was der gegenburttig unser conventbruder in dem oder anderm weitter unser maynung mit euch reden wi^erdet, im das diczmallen ganczleich als uns selben gelawbet. Das etc. Geben zu Gott(weig) dominica post Bartholomei anno LXIIII. Mert von gotz gnaden abbt zu Gottweig. Adresse: Dem edeln herren, herrn Hanssen von Kranichperg etc.

Source Fulltext: FUCHS, Göttweig II (=FRA II/52, Wien 1901) S. 606-607