Allerdurchlew^echtigister kayser und allergnêdigister her! etc. Als ew. k. g. den hochwirdigen fu^ersten [von]^a Pass(aw) und Got(weig) fu^er zehent der frucht, so in ewrn gnaden weingerten, [welche]^a in das slu^esselambt zw Krembs gehorent, wachsen, zu yedem bemelten stifft ain fueder news wein aus demselben slusselambt iarlich schuldig ist zu geben, das des gegenwu^erttigen iar fur unsern gna^edigen herren von Passaw durich herren Hannsen Frondacher yczo desselben slu^esselambt innhaber zw geben von e. k. m. gescha^eft und uns die vergangen iar auf unser menig genuegsam ervodern von dem egenanten hern Hannsen, als von alter herkomen ist, zu unserm tail nicht geraicht ist worden, bitten wir e. k. m. in anda^echtigem dienmu^eetigem vleys auf solch oberurt alt herkomen und unsers benanten goczhaws gerechtikait dem bemelten hern Hansen als innhaber und vechsner des vorgenanten slu^esselambt frucht und wein ze bevelchen, das er uns solch ausstendt fu^eder wein mit dem hewrigen, so er uns die zeyt der verbessung des bemelten slusselambt auf und zu unserm tail nicht geantburt hat, an weitter vercziehen ausricht und die gancz bezalle und sich darin also halte, damit uns nicht not werd die sach verrer an ew. k. g. ze bringen. Das etc. Geben etc. Dyonisy.

Source Fulltext: FUCHS, Göttweig II (=FRA II/52, Wien 1901) S. 615-616