Unnser etc. Erwirdiger edler, lieber her! Wir lassen ew wissen, das uns anglangt ist von unsern armenleutten im Altenwerdt, wie ein pericht und ein verpuntner hindergang peschechen zwischen des Peter Maler und der lêut daselbs im Altenwerd und derselb spruch, des hindergang geoffent sol werden des suntags nach dem kunfftigen ostertag (April 21), darauf ein verpeute bericht ist beschechen, die den der Schawr zw Ha^edersdorff mit andern vil frumen leuten hat an montag nach reminiscere (März 11) nach ewrm bevelhnuss auf ain glaubprief, des sich der Schawr geru^eemt hat, und darnach am erichtag hat ewer diener der Arbaspacher daselbs unser holden ainen gefangen genant der Jacob Salczer und nach den unsern etleichen nachstelt Nw pitten wir ew mit besunderm andächtigem vleiss, ir welt uns den benanten Salczer an `weitter irung ledig lassen und die andern ungeirt. Das etc. Vermainet ir oder aber yemand ander zu den unsern spruch zu haben, so wellen wir auch rechtens und aller pillikait nit verziehen. Gebn zw Gottweig am sambcztag vor oculi anno domini etc. im LXV. Mert von gots gnaden abbt zu Go^ettweig. Adresse: Dem erwirdigen edlen herrn, hern Steffan von Hachenwerg.

Source Fulltext: FUCHS, Göttweig II (=FRA II/52, Wien 1901) S. 647-648