Wir Mert von gots gnaden abbt unser frawn gotzhaus zu Go^ettweig embieten allen und ygleichen unsers benanten gotzhaus holden und hindersa^essen allenthalben enhalb der Tunaw wanhafft unsern gruess. Wir lassen ew wissen, das uns unser allergnedigister her, der Ro^emisch kaiser von der veint wegen, so ytzo zu Ybs und daselbs umb land und lêutten zu schaden ligen, mit unsern diennern und lêutten nach dem sterchisten denselben widerstannd aufzesein in veld aufervodert hat, als ir das an der abgeschrifft seiner k. g. brief¹ hiemit kla^erlich vernemen werdet. Darauf emphelchen wir ew allen und ewr ydem in sunderhait mit ernst und wellen, das ir den sechsten wêrlichen man wol zuegericht, als in veld gehort, aus ew ordnet oder aussoldnet und darzue bestelt, das albeg zehen also aus ew geordent oder ausgesoldnent ain wol zuegerichten raisswagen mit pherden haben und die mitsambt den wa^egen auf den nagstku^enftigen montag² her zu uns gen Gott(weig) schichket, damit sich die mit andern unsern lêutten und diennern zu des lannds haubtman an verziehen fuegen. Welch aber aus ew sa^eumig erfunden und das also nicht tun wurden, die wellen wir an leib und guet swa^erlich darumb straffen, darzue dieselben unserm egenanten allergnedigisten hern dem kaiser und dem veldhaubtman als die ungehorsamen furhalden. Und was der gegenwu^ertig pot unser dienner desmallen mit ew reden wirdet, das im ganczleich als uns selben glaubet etc. Geben zw Go^ettweig an erichtag nach allermanwaschangtag anno domini etc. LXV.

Source Fulltext: FUCHS, Göttweig II (=FRA II/52, Wien 1901) S. 639-640