Auch lieber her Hanns! Sich halt ainer genant Wolfgang Schrêmel bei dem von Sternberg in dem ta^eber ze Ebersdorff auf, der hat unsers gotzhaus lêuten entsagt auf spruch, wie wir im oder unser anwelt ain brief lange iar vorgehalden haben, des er umb IIII^C gulden schaden hab genomen. Nun haben wir im mit aller guetikait geantwurt, wie uns und allen unsern anwêlden, die wir ervodert und in dem notturftikleich gehort haben, chain wissen sey, das wir oder dieselben brief haben, die im gehoren. Er hab auch ytzo in dem newnten iar unser prelatur chain solch noch ander vodrung an uns noch die unsern getan, so er uns aber ain oder etleich der unsern benennet, die brief im zuegehorund [hieten], und damit ze wissen ta^ette, was die innehieten, alsden wolten wir nach allen gleichen freuntlichen und pilleichen wegen gegen im handeln. Darumb bitten wir ew, ob der von Sternberg noch in der Newnstat wa^er mit dem ze reden und den ze pitten, das er den benanten Schremel vestikleich darzue halt, das er in ungueten und an recht das an pilleichen stetten ze geben und ze nemen mit uns und allen den unsern in dhain weg ze schaffen hab noch dem sich verrer zu anderen des lanndes veintten ze slachen gestatten. So der von Sternberg aber nicht zu der Neunstat wa^er, uns alsden eurn ratt wissen lassen, wie wir uns gegen dem obgenanten Schrêmel, daran cha^ein gu^eetikait verhelfen wil, halden sullen, und bitten ew uns pey unserm allergnedigisten herren, dem Romischen kaiser, seiner genaden ratte und ew selbs getreuleich bevolhen ze haben, wan ir an uns und allen unsern conventbruedern ze ewiger zeit andechtig und gantz willig kapella^en solt haben etc.^a

Source Fulltext: FUCHS, Göttweig II (=FRA II/52, Wien 1901) S. 676-677