Wir Larenncz von gottes gnaden abbt unnser frawen gottzhaws zw Gottweig bekennen, das die urtail hie innen beslossn, der an unns gedingt ist, die habn wir nach rat also erlost, seindmaln der anchlager ainen gemechtbrief im rechtn furbracht hat, der da lawt umb ain akcher beÿm krew^ecz, lass wir bei seinen krefftn, als er lawt umb ain akcher beym krewcz. Aber von des ackcher wegn, darauf das krew^ecz steet, weist der anchlager billich mit dem grunttherrn, das der burckhrecht sei. Beschech des nicht, so hat der antburtter denselben ackher, darauf das krewcz steet, billich behabt. Gebn zw Gottweig an sambstag nach Bartholomei anno etc. LXVIIII.

Source Fulltext: FUCHS, Göttweig III (=FRA II/55, Wien 1902) S. 14-15