Erhardt Chobolt, burger zu Mauttarn, hat nu^ecz und gwêr aufemphangen dŷ hernach geschriben erb und grünt: item ain wisen beÿ dem Hals, dŷe weilend gebesen ist Jorg Paur von Etterding, dint zu Gottbeig Martini XXXII d.; item ain wisen genannt das krautga^erttl. das auch des benanten Jorgen gebesen ist, dient zu Gottbeig Martini VI d.; item ain halbs tagberch wisma^ed beym Hals, ist vor gewesen des Michel Mu^ellner, dient ze Gottbeig Martini V d.; item ain iuger agri auserhalb des Siechenhaus, ist vor gebesen des Erhart Paÿren, dient zu Gottbeig Martini VIII d.; item ain iuger ackher beÿ dem leba^er zenagst des Melkher ager, ist mit khauf vom Mo^erl an in cho^emen, dient zu Gottbeig Martini VII d.; item ain iuger ackher in Mauttingerveld neben des Kappellenackher gelegen, ist auch von dem benanten Mo^erl mit khauf an in cho^emen, dient Michaelis in des Hanns Altman lehen IIII d. Umb dŷ vorgeschriben erb alle der benant Chobolt mitsambt Elisabeth seiner hausfraun saligen als irer baider khauffgut gestannden ist, aber nach innhalt aines pebeisten gescha^efft hat sŷ iren tail im ledicklich freÿ vermacht und sein dŷ erb ga^enntzlich an in cho^emen. Actum zu Gettbeig an erichtag vor Andree anno etc. LXXV. Auch hat er nu^ecz und gwer aufemphanngen den Wasserweingartten untter Mauttarn zenagst auf der gestetten der Tu^enau und an des von Sand Nikla gartten genannt dŷ Purg gelegen dient zu Gottbeig Martini für dinst und zehent VIIII ß. III d. Das erb vormalen dem benanten Kobolt halbs vermacht ist worden zu verloren hab, das annder halb tail im auch ledikchlich geschafft ist nach innhalt des gescha^efft. Er hat auch nu^etz und gwer aufemphanngen ain halb veldlehen gelegen am Nŷderparcz ze Mauttarn zenagst dem Pawngartbeg¹ und an der anndern seitten zenagst des Zehenntner ackher, der weilend der Fu^echsin gebesen ist, dient ze Gottbeig Margarethe VI snitphening und Egidii X metzen vogthabern, III phening darauf, das im vormalen zu verloren hab halbs vermacht ist und mit khauf an in und Elisabeth sein hausfraun chomen, darnach ga^enntzlich mit gescha^efft an in cho^emen. Actum zu Gottbeig an erichtag vor Anndree apostoli anno etc. LXXV. 

Original dating clause: an erichtag vor Anndree apostoli

Language: Deutsch

Notes: