Wir Haw^eg grave zu Werdenberg und zum Heiligenperg, unnsers allergnedigisten hern . . des Romischen kaiser etc. obrister haubtman, enbieten den erwirdigen, ersamen geistlichen, den wollgeboren edlen vessten, erbern und weisen, allen und ieglichen den von prela^eten vom adl stetten und merckhten des furstentumbs Osterreich under der Enns, den der brief gezaigt wirdet, etc. Als auf den nagstgehallden lanndtag hie zu Wienn¹ durch ew^e und gemaine lanndschafft des durchlew^echtigisten Mathias ku^enig zu Hungern etc., auch unnsers allergnedigisten herrn des Romischen kaiser etc. dinstlew^et und annder aussteu^ender schuld [wegen]^a ain anslag auf ew^e gelegt, darinn von ew^e zu der bemelten betzallung verbilligung und zuesagen beschehen ist den halben tail desselben anslags zu den phingsten ÿetz verganngen (Mai 10) und den anndern halben tail zu^en su^enbentten (Juni 24) nagstchomend her zu raichen und zu^e geben. Wann aber solher halber tail noch nicht geraicht worden ist, des man gen denselben dienstlew^etten zu mercklichem schaden khumbt, emphelhen wir ew^e von des bemellten unnsers allergnedigisten herrn . . des Romischen kaiser etc. wegen, das ir solhen halben tail desselben anslags noch unvertzogennlich her anttbu^erttet und darzu^e den anndern halben tail auf den beru^erten sannd Johannstag raichet und gebet und weitter darinn nicht sawmig seit noch verziechet, dadurch man die so^elldner abfertigen und aus dem lannd bringen mu^eg, auch ir selbs lannd und lew^et deshalben zu grosserm schaden nicht bracht werden. Daran etc. Geben zu Wienn an sambstag nach dem heiligen phingsttag anno domini etc. LXXVIII.

Source Fulltext: FUCHS, Göttweig III (=FRA II/55, Wien 1902) S. 120-121