Ich Conrad Vorchaimer, burger zu Sannd Po^ellten, anstat meiner unvolbern^a khinder, dŷ Margreth mein hausfrau, Jorgens von Wietzndorff tochter. eelich bei mir hat, ich Vlreich Maÿrot, burger daselbs, anstat Barbara meiner hausfraw^en und ich Michel, Sigmu^enden des Irher weilent auch burger zu Sannd Pollten sa^eligen sun, Rueprecht Lehenpawr zu Noppenndorff und ich Petter Reÿffner anstat unnser, unser miterben und khinder, dafur wir uns gewalltsamlich angenomen haben, bekennen, als der obenannt unser lieber vatter und vetter Sigmu^end der Irher saliger in den zeitten seins lebens Jorgen Wolffgeer zu Noppendorff ain halbs lehen daselbs umb ain summ gellts verkaufft, daran noch unbetzallt bei im aussteet sibenundzwainzigk phunt phenning, die er uns zu hannden, uns auch, unnser miterben und khinder als den geweissten erben auszgericht und ganntz betzallt hat, darumb wir in auch, sein erben fur uns, unnser erben und miterben hiemit ganntz quit ledig und los sagen mit rechter furzicht fur all ansprach und vordrung mit urkund under unnser obenannten Conraden Forchaimer und Vlrichs Maÿrotten baider pettschadt, darunder wir uns dŷ anndern geerben gebrauchen alles bekenntlich zu verhellen, wie vor stett. Das bezewgt durch unnser vleis beth der erbeis Wolfganng Pinsdorffer auch mit seinem bettschatt doch im, sein erben an schaden. Geben an freitag sannd Veits abent martyris anno domini etc. LXXXII. 

Original dating clause: an freitag sannd Veits abent martyris

Language: Deutsch

Notes: