Reverendissimo in Christo patri et domino, domino Friderico¹ postulato et confirmato ecclesie Pataviensis ex comitibus de O^etting, domino nostro gratioso, devoti filii et oratores fratres Paulus vicarius, Wilhelmus prior, Erhardus senior totusque conventus monasterii beate Marie virginis in Gottwico ordinis sancti Benedicti v. r. p. fundacionis et diocesis reverentiam et obedientiam cum devotis ad deum orationibus. Novimus sacris canonibus provide et mature caveri, quatenus ne lupus rapax gregem invadat dominicum, ecclesiis viduatis in tempore oportunis remediis provideatur. Quocirca quondam domino Erhardo ultimo et immediato prelato nostro pridie videlicet die solis quintadecima mensis marcii² anni presentis de hac vita, ut altissimo placuit; sublato eiusque corpore ut decuit honorifice sepulture tradito nos omnes et singuli capitulariter congregati diem Veneris vicesimam mensis prefati et anni eiusdem pro eleccione futuri nostri prelati et pastoris statuimus et assignavimus. Quo die adveniente vocatis omnibus et singulis nostris confratribus tunc absentibus. qui eleccioni huiusmodi potuerunt debuerunt et voluerunt commode interesse, missam de sancto spiritu solemniter decantari fecimus certis ex nobis missas legentibus. aliis autem non celebrantibus confessis et iuxta Basiliensis concilii decretum eukumenikum sacrosanctum communicatis. Qua missa finita ad locum capituli nostri solitum et consuetum capitulariter sumus congregati presentibus ibidem venerabili et egregio domino lohanne Kalltemnarkter, arcium decretorum et sacre theologie doctore. curie Pataviensis infra Anasum officiale||
generali, reverendo in Christo patre, domino lacobo preposito monasterii Newburge claustralis necnon venerabili domino Conrado Fu^eegl, decano Ardacensis et Mellicensis ecclesiarum, ac notario et testibus infrascriptis ad hoc singulariter deputatis et||
requisitis ibique quibusdam solemnitatibus et collacione prehabitis decretum concilii Basiliensis de electione publice legi fecimus et tandem matura prehabita deliberacione placuit nobis per viam compromissi mixti in huiusmodi nostram eleccione m procedere et ita nostro monasterio viduato providere. Premissa itaque admonicione per religiosum fratrem Paulum prefatum tunc de consenssu et votuntate nostra in spiritualibus et temporalibus vicarium videlicet, quod omnes et singuli excommunicati suspensi et etiam interdicti ac illi, qui sacrosancto eukumenico non fuissent procurati, necnon quicumque alii, si qui forsan inter nos essent, qui de iure aut consuetudine negotio eleccionis huiusmodi interesse non deberent, ab actu eiusdem eleccionis discederent, protestando, quod non erat sua et aliorum intentio tales admittere aut eligere cum eisdem. queque voces talium.||
si qui reperirentur interfuisse, non prestarent cuipiam suffragium aut impedimentum sed prorsus pro non receptis habeantur. Deinde concorditer elegimus in nostros compromissarios venerabiles et reverendum in Christo dominos lohannem Kalltenmarkhter doctorem et officialem, lacobum prepositum Newnburgensem ac Conradum Fuegl decanum prementionatum dantes eisdem solemni omnium et singulorum nostrum stipulacione interveniente plenam et omnimodam potestatem, ut ipsi secreto et singillatim vota omnium et singulorum nostrum inquirerent eumque eligerent, in quem reperirent omnes vel maiorem et sanioreni pàrtem consensisse ita. quod unus ipsorum de consenssu||
et voluntate reliquorum suorum compromissariorum vice sua et collegarum suarum tociusque conventus eandem eleccioneni solemniter publicaret. Quibus compromissáriis taliter ut premittitur deputatis et electis potestatemque sibi traditam acceptantibus nos omnes et singuli, vicarius, prior et conventus supradicti fidei sacramentum fecimus et quilibet nostrum in manus dominorum compromissariorum iuravit tactis scripturis sacrosanctis, quod qüilibet nostrum iüxta dispositionem decreti concilii Basiliensis tunc publice lecti eligere vellet eum et in hunc eligendum consentire, quem crederet futurum ecclesie seu monasterio in spiritualibus et temppralibus utiliorem nec illi vocem daret, qùem verisimiliter sciverit promissione aut dacione alicuius rei temporalis seu prece per se aut alium interposita aut alias qualitercumque directe vel indirecte pro se eleccionem procurare. Tandem compromissarii predicti commissionem et potestàtem sibi traditam exequi vàlentes pariter iuraverunt et quilibet eorum iuravit commissionem ipsis factam sicut premittitur fideliter exequi velle, in alium locum seorsim extra locum capituli videlicet ad chorum ecclesie penes altare summum eonsederunt ac secreto et sigillatim vota nostra congrua diligentia messuerunt et in scriptis redegerunt reducto prius in memoriam unicuique iuramento per ipsum antea prestito. Quibus votis nostris sie per eos ut premittitur receptis compertum fuit per diligentem dictorum dominorum compromissariorum prehabitam collacionem vota nostra in plures ex nobis dispersa fuisse et nullius sic nominatorum vota se ultra medietatem eligencium extendisse. Qua diversitate intellecta nos capitulariter congregati rursum in prefatos dominos officialem, prepositum et decanum||
vigore prioris stipulacionis de novo compromisimus transfundentes plenam nostram et cuiuslibet nostrum auctoritatem in eosdem, ut ex supradictis sic per vota nostra nomiiiatis eum eligerent et publicarent. qui ipsis pro nostro nionasterio in spiritualibus et temporalibus magis utilis esse videretur. Discussis igitur singulis memorati domini compromissarii diversis respectibus et utilitatibus monasterii pensatis ad nos adhuc capitulariter||
congregatos redierunt asserentes se in unum ex predictis per nos nominatis convenisse ac quantum adhuc de nostra voluntate esset, eum pronunciare vellent. Ad quam pronuntiacionem nos onmes et singuli consensimus eamque fieri et promulgari petivimus ac quilibet nostrum consenssit et promulgari petivit. Quo facto antedictus dominus lohannes Kalltenmarkhter doctor et officialis conipromissarius collegarum suorum iussu et nostro pronunciavit et pro electo promulgavit venerabilem patrem, dominum Mathiam de Crembs virum vite et morum honestate commendabilem et eiusdem nostri monasterii professum et cellerarium in sacerdotio constitutum et ex matrimonio legittimo procreatum, in spiritualibus et temporalibus exercitatum et circumspectum in hunc, qui sequitur. modum: In nomine domini; amen. Ad laudem et gloriam sanctissiine et individue trinitatis patris et filii et spiritus sancti ego lohannes Kalltenmarkhter, curie Pataviensis officialis, in presentis eleccionis negotio compromissarius mea et collegarum meorum vice ac iussu eorundem tociusque huius monasterii beate Marie virginis in Gottwico ordinis sancti Benedicti Pataviensis diocesis conventus racionibus eligo et electum pronuncio venerabilem patrem, dominum Mathiam de Crembs presbyterum expresse professum ordinis et monasterii predictorum in eiusdem monasterii abbatem prelatum et pastorem ipsumque talem pronuncio in hiis scriptis in nomine patris et filii et spiritus sancti. Dictam vero eleccionem sic celebratam et publicatam omnes unanimiter recepimus et approbavimus ipsumque electum ibidem presentem et eleccionem de se factam audientem debita cum instancia requisivimus, ut ipsi eleccioni de se facte prestaret consensum. Et licet ipse se indignum et insufficientem assereret, divine tamen nolens resistere voluntati nostris devictus precibus tam humiliter quam devote annuit et consenssit. Extunc ipsum dominum electum de loco eleccionis et capitulari in ecclesiam ad summum altare beate virginis sub stola duximus aliquantum temporis se ibidem prosternentem nobis: Te deum laudamus pulsatis campanis cantantibus, tandem in stallo prelati collocavimus necnon eleccionem sie ut premittitur de ipso factam apud altare sancte crucis in medio monasterii populi multitudine ad id confluente ac ipso domino electo presente in vulgarisermone fecimus per dictum dominum lohannem doctorem et officialem publicari. Idcirco vestram reverendissimam d. debite ac devote et unanimiter rogamus, quatenus eleccionem eandem necnon ipsum nostrum electum dignemini benignius confirmare. ut deo auctore nobis et monasterio nostro velut pastor ydoneus valeat preesse et prodesse nosque ac alii subditi sub ipsius regimine coram deo possimus salubriter militare. Ceterum ut vestra reverendissima d. cognoscat evidentius vota omnium nostrum in predictis singulariter concordasse ac in peticionem huiusmodi unanimes existere presentis eleccionis decretum eidem vestre reverendissime d. transmittimus propriis manibus dictorum dominorum compromissariorum ac cuiuslibet nostrum necnon notarii infrascripti subscripcione sub appensione nostri sigilli conventualis in forma autentica roboratis. Acta sunt hec in monasterio Gottwicennsi anno a nativitate domini millesimo quadringentesimo octuagesimo nono, die et mense quibus supra hora meridiei vel quasi, indiccione septima. pontificatus sanctissimi in Christo patris ac domini nostri domini Innocencii pape||
octavi anno eiusdema presentibus ibidem venerabilibus viris dominis Wilhelmo Warttwein, publico imperiali auctoritate notario, lohanne Scha^erl, plebano in Obrechtsperg, et Wolfganngo Laher de Spitz, clericis Herbipolensis et Pataviensis diocesis, testibus fide dignis ad premissa vocatis pariter et rogatis.||
Ego Iacobus, prepositus monasterii beate virginis Marie in Neuburga claustrali, de consensu et voluntate conventus monasterii Go^etwicensis supradicte eleccionis compromissarius et scrutator elegi in abbatem prefati monasterii Gotwicensis ac||
vice collegarum meorum et mea tociusque conventus predicti electum pronuncciari feci venerabilem et religiosum viruni fratrem Mathiam de Chrembs eiusdem monasterii conventualem, in cuius rei testimonium et fidem propria manu me subscripsi.||
Ego loannes Kaltenmarckter, artium decretorum et sacre theologie doctor, canonicus ecclesie et curie Pataviensis infra Anasum in spiritualibus officialis generalis, de consensu et voluntate conventus monasterii Gotwicensis Pataviensis diocesis supradicte electionis compromissarius et scrutator elegi in abbatem prefati monasterii Gotwicensis ac vice meorum collegarum et mea tociusque conventus predicti electum pronuncciavi venerabilem et religiosum virum fratrem Mathiam de Krembs eiusdem monasterii conventualem. In cuius rei testimonium et fidem propria manu mea me subscripsi.||
Ego Conradus Fu^egl, ecclesie Ardacensis decanus, de consensu et voluntate conventus monasterii Gotwicensis Pataviensis diocesis memorate electionis compromissarius et scrutator elegi in abbatem prefati monasterii Gotwicensis ac vice collegarum meorum et mea tociusque conventus predicti electum pronuntiari feci venerabilem et religiosum virum fratrem Mathiam de Krembs eiusdem monasterii professum. In cuius rei fidem et testimonium me manu propria subscripsi.||
Ego frater Paulus vicarius presenti eleccioni consensi et consencio, ideo me huic decreto manu propria pro testimonio subscripsi.||
Ego frater Wilhelmus prior presenti electioni consensi et consencio, ideo huic me decreto manu propria pro testimonio subscripsi.||
Ego frater Erhardus senior presenti eleccioni consensi et consencio, ideo huic me decreto manu propria pro testimonio subscripsi.||
Ego frater Vincencius presenti eleccioni consensi et consencio, ideo huic me decreto manu propria pro testimonio subscripsi.||
Ego frater Iohannes de Zwetel presenti electioni consensi et consentio, ideo huic me decreto manu propria pro testimonio subscripsi.||
Ego frater Andreas de Palt presenti eleccioni consensi et consentio, ideo huic me decreto manu propria pro testimonio subscripsi.||
Ego frater Conradus de Weylhaim presenti electioni consensi et consentio, ideo me huic decreto manu propria pro testimonio subscripsi.Ego frater Maurus de Mauttarnn presenti electioni consensi et consencio, ideo me huic decreto manu propria pro testimonio subscripsi.||
Ego frater Cristannus de Herczogburga presenti electioni consensi et consencio, ideo me huic decreto manu propria pro testimonio subscripsi.||
Ego frater Georius de Newburga presenti eleccioni consensi et consentio, ideo me huic decreto manu propria pro testimonio subscripsi.||
Ego frater Iohannes de Wienna presenti electioni consensi et consencio, ideo me huic decreto manu propria pro testimonio subscripsi.||
Ego frater Michael de Krembss presenti electioni consensi et consentio, ideo me huic decreto manu propria pro testimonio subscripsi.||
Ego frater Andreas de O\etting presenti electioni consensi et consencio. ideo nic huic decreto manu propria pro testimonio subscripsi.||
(S. N.) Ego Gregorius Doleatoris. clericus Laibacensis civitatis, publicus imperiali auctoritate notarius, quia premissis eleccionis processui admonicioni protestacioni comproinissioni stipulacioni et iuramentis necnon ipsius doinini electi promulgacioni et consenssus protestacioni omnibusque aliis et singulis, dum sicut premittitur, sicut et agerentur, unacum prenominatis testibus presens interfui eaque sie fieri vidi et audivi. Ideo||
hoc presens publicum instrumentum huiusmodi eleccionis decretum et processum in se continens manu propria scriptum exinde confeci publicavi et in hanc publicam redegi signoque et nomine meo solitis et consuetis unacum sepedictorum dominorum compromissariorum et fratrum conventualium manuali subscripcione sigillique conventualis dicti monasterii appenssione consignavi et subscripsi in fidem omnium et singulorum premissorum rogatus et requisitus.

Source Fulltext: FUCHS, Göttweig III (=FRA II/55, Wien 1902) S. 234-240