Item des suntag nach sand Mertentag des 95. jar ist der erbirdig herr und vater in gott gan Ro^em gezogen und an demselbing tag zu Gottweig ausgeriten und ist kchomen gan Rom in vigilia epifanie domini (1496 Jänner 5) und hat daselb gearbait pro canonisacione beati Altmanni mit hilf des cardinal von Siena und Johans Purkhardi, ander pischolf und hern mer und ist also abgefertigt, das man die miracl alt und new protestieren schol und desselbing ain waren genugsames kchuntschafft schiken gan Rom, auch fuerpet des Romischen kunig erlangen. Auch hat der pemelt herr und abt vier kchirchen incorporiert, das ist: Naperstarff, Na^elib, Peternel, Hoffstetten, dafuer zway hundert Vngrisch gulden scholt man durch ain wexl pezalt haben. Ist aber nit peschen, darumb hangt die sach noch. Item auf dieselbig rais gan Rom und herwider verzert mit ain chapellan und drein knechten und mit VI rossen II^C LXXXIIII lb. d.; item umb die genadt brief IIII lb. d. und ain ducaten, der sind drey gewesen; item die viert mit den zwainczig sidlen ain ducaten und 5 lb. d.; item umb iedew capsen an die sidl 45 d.; item umb beatissime V karlin van demselbing brief zu illuminiern 5 karlin; item umb die conquest drey Reinisch gulden 6 karlin.

Source Fulltext: FUCHS, Göttweig III (=FRA II/55, Wien 1902) S. 287-288