Von erst an su^entag sand Dionisientag (Oct. 9) ist Mathias abbt vom Go^etweig zu^e KKrembs gewesen, hat im unnser canntzler a^euf unnsern bevêlh zu^e erkennen geben, wie wir seines ungeordenten leben und gema^einen geschray halb, so u^eber in sey, als nachla^essiger ordinari vil angeru^ert worden, deshalb unnser ere auch sein notdu^erft eraische in, ee wir a^ews O^esterreich ziehen, haimzesu^echen und bey im und seinen klo^estern aufm Go^etweig besser ordnu^eng ze machen, das er selbs nach seinem geva^ellen ainen tag fu^erneme, wann so^elhs du^erch uns beschehen so^elle. Dara^euf abbt und bemelter unser canntzler den nêgsten eritag (Oct. 11) darnach ko^emend fu^ergenomen und erwelt haben. Also sein wir mit klainer antzal unserr diener on all zu^egericht were denselben eritag aufn Gotweig getzogen, dahin desselben tags die wirdigen brobst zu^e Klosternewnbu^erg und abbt zw Sand Mareintzell zu^e uns kamen. In derselben, a^euch unnsers officials zu^e Wienn beysein haben wir mit beru^ertem abbt a^euf das lanngwêrund geschray, so krêfftiger weis wider in allenthalben im lannd, soweit er erkanndt, a^euferstannden ist, seines ungeordenten unklo^esterlichen wesens halben, damit auch das kloster zu^em Go^etweig in geistlichem und weltlichem stannd zu^e a^eufnemen ka^eme und vor mererm schaden und verderben verhu^eet wu^erde, va^eterlicher ermanung und unnderweisu^eng red gehallten, daselbs sich abbt aller zicht, so u^eber in la^ewttmêr sein, a^ewsgeredt und sein unschu^eld auf bede co^envent zu^em Go^etweig gelassen und gewaigert. die deshalb in mass und form ainer visitacion ze fragen und ze verho^eren selbs begert und einlassen mit den wortten, wie er unsere hina^eufkunfft, auch willens ze visitiren erfrew^edt sey, hiete hoffnung, wir wu^erden finden, das im unrecht beschehe. Auf das haben wir unns unnderstannden den abbt und bede co^envent zu^em Go^etweig ze visitiren, als wir dann unnfrid, bischoflichem standt und gewissen nach als ordinari und stiffter^a nach dem Gotweig von unnsern vorvordern und unnserm bischoflichen tisch gestifft ist, ze thu^en schu^eldig und pflichtig gewesen sein. Als wir nw die visitation und erku^endu^eng ordenlich, wie sich gebu^ert, aufs fleissigist und summarie angefangen, uns erku^endet und die depositiones beschreiben lassen, hat sich la^eyder erfu^enden, das abbt in seinem wesen unprela^etisch unklo^esterlich schênntlich und lêssterlich, auch in der hawswirtschaft unfleissig, dem gotshaus verderblich, seinen bru^eedern und swestern ungemêser und besorglicher vorgeer und kain hoffnung seiner bessru^eng ist also, das schênntlich davon ze schreiben wêre. demnach derselb abbt nit allain von seiner wirde und abbtey und von dem regiment des klosters zu entsetzen, su^ender auch in ewige vênckhnu^ess ze legen und noch swêrlicher ze straffen wêre; als sich zu^e sein zeiten nach ordnung der recht erfinden wirdet. Und in so^elher visitacion haben wir in beysein bemêllter prela^eten gehaimer weise dem abbt sein su^endigs und ungeordent wesen fu^ergehallten, in va^eterlich gestrafft und ermont sein leben zu pessern, sein selbs und des gotshaws nu^etz und êre vor a^eugen ze haben und weil im ein urteil etwas swêrlich auflegen werde, sich selbs darin mit gu^etem willen dem gotsha^ews zu^e gu^et zu versehen, nachdem wir seinen co^envent ervorderten in ma^eynung mit zueweg und mitel ze finden, dardurch dem gotsha^ews geholffen wu^erde. Do wir also bey dem convent gewesen, dieweil hat [der]^b abbt mit ainem seinem dienner geschaft, er su^elle seinen ha^ewbtmann mit den lew^etten schaffen ze ko^emen, es sey zeit etc. Also ist ainer genannt N. Gsta^eltl, der sich ha^ewbtmann a^eufm Go^etweig nennet, an die nagst tu^er vor der capellen, darin wir mitsambt dem co^envent gewesen, ko^emen und hineingeen wollen, hat ainer unnser dienner mit im geredt klaine zeit davor ze verharren, bis er in bey uns ansage. Dieweil derselb unnser dienner deshalb zu^e uns gegangen, hat bemellter Gsta^eltl und etwevil sein helffer mit fra^evenlichen hennden unser dienner, so vor bemelter tu^er gestannden, weggeslagen, die tu^er gewaltigklich mit stu^erm aufgedru^engen, mit a^eusgezogen wêren, geladen armbsten, a^eufgelegten pfeilen, spiessen, harnasch und annder zu^egerichter wer uns und die unnsern, so an alle wer daselbs gewesen, vorberu^erter capellen angelauffen, nach unnser person und unnsern lew^eten mit plossen swerten und spiessen geslagen und gestochen der maynung und gestallt uns und die unsern zermorden, als dann beschehen were, nur allain wir mit unnsern lewten hietten uns bey einer eysen thur mit zueschlahen derselben auf enthallten. Wann als wir vor derselben thur in unnser rocked und bischoflichem klaid gestannden, hat uns bemelter Gsta^eltl mit ainem praiten blossen swêrt nachgeslagen, dergleichen bemelten brobst von New^enburg und anndern, so desselben mals bey uns gewesen, auch erganngen und vil annder graussame ungefug wider uns getriben, darnach als wir und etleich die unsern hinder bemelte eysenthu^er ko^emen und dieselb mit ainem grossen furgezogen rigel bewart haben, bemellter Gsta^eltl und annder des abbts lew^et mit unerha^erlichen geschra^ey und geweitigem anpu^echen gestu^ermbt und die eysenthu^er als vil aufgedrungen, das wir und die unnsern verrer hinder ein stu^ebthu^er abtreten mu^essen, haben wir annders gro^esseren schaden vermeiden und unnsers lebens gesichert sein wellen. Und als des vom Go^etweig lewt die eyssenthu^er gewu^ennen und aufthan und in ein vorha^ews zu dem abbt ko^emen sein, haben sy uns dannoch nachgeeilt und an die stu^ebthu^er, daru^ender wir uns enthalten, auch geweltigclich angestossen, uns und die unnseren darin bey halber stu^end verspert und gefangen hallten, zuletzt an all ursach unbewartter und unversehner ding mit vil dro^elichen wortten und werchen beno^ettigt und uns nit herauslassen, sonnder gedrungen zuzesagen und zu verschreiben den hanndel untzts auf ko^enigclich m. zuekunft ansten ze lassen. Darnach sein wir aus bemelter stubem gelassen und von têding wegen zu dem abbt unnder die gewapptenten lewt und paw^ern geganngen, der in anzal bey sibenzigk, daru^ender bey sechzehen mit geladen armbsten gewesen sein, hat abbt in beysein derselben seiner lew^et gegen uns offenlich gered: ir habt mich umb die abbtey bringen und no^etten wollen, mit so^elher seiner rede die gewappenten lewt und paw^ern, die dann gewo^enlich in sig stra^efflich und angezain sein, in mitte derselben wir allain in unserm rocked stu^eenden, bewegen und raitzen wellen auf uns ze fallen und uns villeicht ze erslahen. Dieweil so^elh aufru^er wider uns beschehen, ist im kloster zum Go^etweig an einer grossen glocken u^eber uns und die unnseren sturm gelew^ettet und angeslagen worden, sein auch u^eberall die graben inner und ausser des gantzen Go^etweig mit werhafften lewten beseczt und als uns angesagt und glew^eblich ist, u^eber zwayhundert mannen in wêre zugericht daselbs wider uns bestellt gewesen, als auch dazwischen etlich unnser und annder fro^embd lewt irer gescha^eft halben an das vordrist thor aufm Go^etweig ko^emen, ist in und yedem durch die, so die thu^er und mew^er verhu^et, gedroet sy zu erschiessen, soverr sy vom thor nit abgiengen. So haben auch des abbts gewappent lew^et mit geladen armbsten und fra^eventlichen wêren ob uns und den unnsern stetzt gehallten als lanng, bis wir ab dem Go^etweig gezogen sein.

Source Fulltext: FUCHS, Göttweig III (=FRA II/55, Wien 1902) S. 307-310