In nomine sanctę et individuę trinitatis. Omnibus Christi fîdelibus presentis etatis et futurę generationis pax et exultatio multiplicetur in perpetuum. Acta principum uel donationes eorum, ut venerabilibus locis firma permaneant et inconuulsa, utile est, ea scriptis annotare; utile est, ea sub omni cautela posterorum memorię commendare. Inde est, quod ego Livpoldvs dei gratia Marchio Austrie in presenti pagina exprimendum curaui, quemadmodum ipso, a quo omne bonum est, inspirante atque Ottone dilecto filio meo, qui se apud Morimundum ordini subiecit Cisterciensi, adhortante fratres a prefato Morimundi cenobio evocauerim et in loco, qui actenus Satelbach dicebatur, nunc vero ob victoriosissimum nostrę saluationis signum ad Sanctam Crucem uocatur, collocauerim. Quorum congaudens religioni et prouidens indigentie manu potestatiua, hoc idem annuente et petente conparticipe thori nostri Agnete, et filiis nostris Alberto, Heinrico, Liupoldo, Ernesto tradidi deo et beate Marie semper uirgini et fratribus in iam dicto loco congregatis seu congregandis terram circumiacentem, nostroque iuri pertinentem cum agris, pratis, pascuis, aquis, siluis, cultis et colendis cum terminis, quos ei circumlimitavimus, et hic annotare censemus. Sunt autem hii. Ab eo loco, ubi confluunt Satelbach et Swechant, usque Murlingen. ab inde, sicut dirigitur uia, quę dicitur uia molendini, usque ad priuentan, et per eandem uiam, quę girat priuentan, usque ad locum, qui dicitur husruch. et ab inde iterum per predictam uiam usque in Satelbach. et ab hinc per directum usque ad uerticem, qui uulgo dicitur Hoheche. et ab hinc trans riuulum, qui uocatur dorinbach, contra medietatem montis, qui dicitur Keizeruche. et ab hinc per uiam, quę uadit ad siluam attinentem ad uillam, quę dicitur Sichendorf, ab hinc ad locum, ubi oritur riuulus, qui appellatur marchbach. ab hinc per uiam ducentem et iungentem se uię, quę ducit ad draschirch. et ab hinc usque ad fontem, qui oritur in loco, qui uocatur Mv^ochersdorf. et ab hinc ad montem, cui uocabulum Ebenberch. et ab hinc per uiam descendentem in Satelbach. et per descensum ejusdem fluuioli ad locum, ubi coniungitur fluuio, qui appellatur Swechant. Hanc autem nostram donationem, atque eiusdem monasterii constitutionem non solum nostrę incolomitati, paci et tranquillitati, sed et parentum nostrorum in Christo dormientium saluti proficere optamus et quieti. Sperantes apud diuinam clementiam nostrę fragilitati aliquatenus profuturum, si, cum ipsi fructum boni operis non facimus, eos saltim, qui uere deo fructificant, ut uitem ulmus, de nostra facultate sustentamus. Verum, quo magis ac magis hec, quę gessimus, roborentur et rata firmentur, scriptis presentibus testes et nostrum sigillum adiungatur. Comes Chv^onradus de Pilstein, Otto de lengenbach, Rapoto de nezta, Sterfrit de becelinesdorf, Otto de Leusdorf, Vlricus de gadmen, Vlricus de Sigenuelde, Rv^odegerus et frater ejus Růpertus de Sigchendorf, Anshalmus de Sparwarsbach, Ebergerus de Adelahte, Hartungus de Ruhenegcke, Jubort de tribanswinchele, Ozo et Otfridus de murlingen, Hartwicus. Facta autem sunt hec anno ab incarnatione domini M.^o C.^o XXX.^oVI.^o Indictione uero XIIII. anno regni domini Lotharii VIII.^o (sic) imperii uero III.^o

Source Fulltext: WEIS, Heiligenkreuz (=FRA II/11, Wien 1856) S. 1-2