Ich Rapot von Wildecke tůn chunt an disem brief allen levten, di nu sint vnd hernah chumftich sint, daz ich von der ansprach gestanden pin gentzlich, di ich het hintz dem apt vnd hintz der Samnunge von dem Heiligen Chreutz vmb ein holtz daz do haizzet daz mitter hard; daz min vater in verchouffet het, di weil ich vzzer landes was; vnd gib in des ze rehten aigen. darvber gib ich den brief versigelt mit minen insigel. Des sint geziuch. Her Ott von Wildeke. her Weichart von Arnstain. Her Albrecht der vorstmaister. her Rapot von Arnstein. Her Dietrich von Wildecke. Her Rudolf der Span. Daz ist geschehen do von Christes bůrd waren Tausent iar. drev hundert iar. an dem Heiligen ovffert tach.

Source Fulltext: WEIS, Heiligenkreuz (=FRA II/16, 1859) S. 1