Ich Ebran von Ernsbrun vnd ich Margret sein hausvrowe vergehen an disem prief, daz wir mit gesamter hant vnd mit gv^{^}tem wiln vnsers aigens ze nidern-Leizz, daz wir in rechter gwer her pracht hawen, zehen Schilling gelts verchauft haben der samnung von dem heiligen chrevtz vmb drevzehen pfund wienner pfenning. vnd sein auch des selben gv^ots gaenzeleich gewert vnd sein auch des selben gv^ots der vorgenantem Samnung scherm vnd gwer nach Lants recht vnd dar vber gib ich, der vorgenant Erban von Ernsprun der vorgenanten Samnung von dem heiligen chrevz disen prief mit minem insigel ze ein ewigen v^orchund. Des sind gezevch, der Greyf. der Ott‚ hern haim svn. der Chvnrat der Hubmaister, der Vlreich hern Chvnrads svn. Der Philipp von Encensdorf. der Johans von Losenhaim, der Rugers von Hipleinsdorf vnd dar zv manch pider man. Ditz ist geschehen do von Christ gebvrt ergangen warn drevzehenhvndert Iar vnd darnach in dem virdem Iar.

Source Fulltext: WEIS, Heiligenkreuz (=FRA II/16, 1859) S. 16