Nos Wernhardus dei gracia Ecclesie Patauiensis Epicopus presentibus confitemur, quod facta nobis copia priuilegiorum predecessorum nostrorum et nostrorum propriorum traditorum de consensu Capituli nostri Monasterio sancte Crucis, cysterciensis ordinis nostre dyocesis super ubertate mute in Patauia et Obernperig et eisdem diligenter auscultatis recognouimus eidem monasterio libertatem specialiter in transitu, qui vulgariter furvart dicitur‚ in Patauia ita quod ipsum monasterium, suique procuratores de suis salibus, in quibus quo ad maiorem mutam libertatem optinent in predicto transitu‚ ad dandum exactionem uel mutam Judicibus nostris patauiensibus presentibus et futuris minime teneantur, a quo ipsos absoluimus et quietamus, imo absolutos et quietatos perpetuo denunciamus, volentes ipsis per Judices nostros patauienses, qui pro tempore fuerint, huiusmodi libertatem obseruari inuiolabiliter cum effectu‚ quocumque anni tempore predictos sales deduci contingat. Harum testimonio literarum nostro sigillo munitarum. Datum Chremis anno domini Millesimo CCC°. quarto. decima Kalendas Aprilis.

Source Fulltext: WEIS, Heiligenkreuz (=FRA II/16, 1859) S. 14