Ich Ott von Wildek vnd ich Alhait sin hovsvrowe veriehen an disen brief, daz wir mit gutem Willen vnd gesamter hant vnd mit aller vnser erben Willen der Samnunge von dem heiligen Chrevtz haben ovzgewelschet sechs Schilling phening geltes in einem dorf, daz haizzet ze Metzen, da hab wir in wider gegeben sehs Schilling pheninge geltes dotz Engelschalchsdorf v^ef einem holden, vnseres rehten vrid vnsers vreien aigen. Wir sin ouch des ir scherm vnd gewer nah des landes reht. Dar vbar geb wir in ze einer gehugenusse vnd Stetichait disen brief versigelt mit min Otten insigel. Des sint gezuich her Chaloch von Ebersdorf, her Ott der Tůrs. her Weichart von arnstain. her Rapot von arnstain. min bruder Rapot von Wildekk. Wolfger von dem Ro^er. Hertneid von Sachsengange. Daz ist geschehen, do von Christes geburd waren Tovsent iar Drevhundert iar, an dem vierden iar, des nehsten suntages nah dem Perchttach.

Source Fulltext: WEIS, Heiligenkreuz (=FRA II/16, 1859) S. 13-14