Wand Trewe vnd Warhait alle Leut lobt, ert vnd zirt vor Got vnd vor der Werlt, da von vergeh Wir Ott Abt ze dem Hayligen Chreutz ze den zeiten Vnd dev Samnung des selben Chlosters offenbar an diesem brief allen Leuten gegenwurtigen vnd Chvnftigen, Daz wir mit wol verdahten Mv^ot, mit zeitigem Rat, mit gvter gvnst mit ganzem willen aller vnser Prüder, ze den zeiten, do wir ez wol getv^on mochten mit recht, durch ettleicher erhaften not willen vnsers Chlosters haben ze chauffen gewen den Ersam Getrewen Leuten Hern Leben dem prvnner vnd Eberharten seim svn, Burger in der Newenstat Dreizich phunt winner phenning Gelts, di in der Newenstat vnd vor der Newenstat ze dorf vnd ze veld, auf Lehen, auf Hofsteten, auf Hofen, auf Weingarten, auf Holtz, auf Gartlant sint gelegen vnd swa wir ez haben gehabt, daz auch vnser rechtez aigen ist gewesen, Vnd daz wir in vur rechtez aigen haben ze chauffen gewen, Daz her nach Geschriben stet, Vmbe Drithalb Hvndert phunt Phenning Winner Munz, der si vns Gar vnd Gentzleichen mit beraitem Gv^ot habent gewert also beschaidenleichen, daz der vor genant her Leb vnd Eberhart sein svn mit den vor genanten Dreizich phunt Gelts schaffen schulten allen irn vrum. Versetzen, verchauffen, gewen vnd schaffen vreileichen, swem sie wellent an aller iresal. Wir bieten vns auch mit vnsern Trewen ze rechten scherm dem vor genanten Hern Leben vnd Eberharten seim sun der vor genanten Dreizich phunt Gelts vur alle ansprach als der zwaier Lande O^esterreich vnd Steyer recht vnd Gewonhait ist. Der vor genanten Dreizich phunt Gelts dient ierichleichen Maenhart des ammans svn von Stainerpruk zwen vnd zwainzich winner phenning von ainer Hofstat daz Stainerpruk an Sand Mychels tage. Mychel in der zahmans strazzen sechzig phenning auf sand Merteinstag von aim Garten in der zahmans strazzen. Des Zeuner hofstat bei sand Vlreich in dem Winchel fvnf vnd Dreizich phenning an sand Mychels tage. Dietel des zimmermans aidem bei sand Vlreich fvnf vnd Dreizich phenning auf Sand Mvchels tag von ainer hofstat in dem Winchel bei Sand Vlreich, Jacobs des wůchrer sun in dem Winchel fvnf vnd Dreizich phenning auf Sand Mychels tag von ainer hofstat bei sand Vlreich. Des Waitzen hofstat bei sand Vlreich Virzich phenning auf Sand Mychels tage. Des Wophen hofstat bei Sand Vlreich fvnf vnd Dreizich phenning auf sand Mychels tag. Des Grintzels hofstat bei Sand Vlreich sehzig phenning auf sand Mychels tag. Dev Pastub, dev weiln des Wurfler ist gewesen in der Newenstat vir phunt. Ain Vistisch bei den solsneidem ain halbez Virtail lauters Vnslides an sand Merteins tag. Ain Goltsmit auf dem Marcht ain halbez phunt phenning an sand Mychelstag. Von aim hvter chremlein hinder der vorgenanten Goltsmiten zwen vnd Dreizzich phenning an sand Mychels tag. Von der vor genanten Goltsmiten vnd von dem hvter chremlein schol man ierichleichen dienen in dem pharhof hintz vnser vrawen virzich phenning an sand Mychels tag. Gotfrides des Plumhvts Garten in der Aiglin straz ain phunt phenning an sand Merteins tag. Da von man ierichleichen dienen schol ain halbez phunt phenning an sand Merteins tag in den pharhof hintz vnser vrawen. Der Chruglerin Garten in der Aiglin Straz vir vnd virzich [70] phenning an sand Merteins tag. Nyklas wittwe des vettern zwelf phenning von ain Weingarten der genant ist, der Schachzabler an sand Mychels tag. Hainreich der Leinain zwelf phenning an sand Mychels tag, von ain Weingarten, der genant ist, der Schachzabler, der auch gelegen ist, datz Gvmpoltschirchen. Leutold der Visinch burger in der Newenstadt Dreizich phenning an sand Mychels tag von ain Weingarten in dem Rosental. Maenchart der Chroph in der Newenstadt Dreizich phenning an sand Mychels tag von ain Weingarten der gelegen ist, datz Engschalchesveld in der Mvnichluchen. Dietreiches hofstat, des Eisner, dev gelegen ist vor dem Vnger Purgtor ein halbez phunt phenning an sand Mychels tag. Daz Spital in der Newenstat ain phunt phenning an sand Mychels tag, von ain Ganzen lehen in Zemingdorfer veld. Des Nunspigels Chint ain phunt an sand Mychels tag, von ain lehen in Zemingdorfer veld. Hainreich Pretler ain halbes phunt phenning an sand Mychels tag von aim halben lehen in zemingdorf. Weinzech Gartner sechs Schilling vnd zwainzich phenning an sand Mychels tag von ain lehen in zemingdorf. Der Pharrer von vnser vrawen Chirchen datz der Newenstat virzich phenning an sand Mychels tag von aim Drittail ains Lehens in zemingdorf. Eberhart in der Garten Strazzen sehzig phening an sand Mychels tag von aim Virtail ains Lehens in zemingdorf. Zevnerin in der langen hainzlin straz sehzig phenning an sand Mychels tag von aim Virtail ains Lehens in zemingdorf. Von aim hof datz Altendorf ain halbez phunt zwen vnd zwainzich phenning, vir Ches immer ain Ches vur zwen phenning, Sehzich ayer sehs hvner, immer ain hvn vur zwen phenning, ain halben Mut haber auf sand Mychels tag. Eberharts hof in dem Raifek ain phunt phenning, ain schot har, ain halben Metzen Magen vir Ches, zwai hvner an sand Mychels tag. Rudolf ze Chlingenvůrt sehzig phenning an sand Mychels tag von ain holtz vnd von ainer Wisen in dem Chebich. Zwai Lehen ze Lanzenchirchen Dreyzehen Schilling phenning an sand Mychels tag. Der selben phenning dient ierichleichen Rudlo der Chreutzer drei Schilling. Georg drei Schilling. Chvnrat Altenwurger virdhalben schillinch. Herman Schonhar virhalben schillinch. Rudolf von Chrotendorf zwen vnd ahzig phenning an sand Mychels tag von Echern in sunzendorf. Heinreich Pergmaister von Chrotendorf zwen vnd Dreizich phenning an sand Mychels tag von Echern in sunzendorf. Rudolf Gotsleins eninchel zwen vnd sehzig phenning an sand Mychels tag von Echern in sunzendorf. Hainreich zephel in der Öd syben vnd funfzich phenning an sand Mychels tag von Echern in sunzendorf. Perchtold Poschal in der o^ed funf vnd zwainzich phenning an sand Mychels tag von Echern in sunzendorf. Wolfhart der mulnerin sun ze Lanzenchirchen ahzehen phenning an sand Mychels tag, von Echern in sunzendorf. Seybot in dem winchel bei Newenchircher Purgtor zwaier min fvnfzich phenninge an sand Mychels tag, von Echern in sunzendorf. Rudolf Hollvewer ze chetzleinsdorf ains min virzich phenning an sand Mychels tag, von Echern in sunzendorf. Leupold Rustenpauch zv Chetzleinsdorf zwainzich phenning an sand Mychels tag, von Echern in sunzendorf. Leutoldin ze Chetzleinsdorf zwainzich phenning an sand Mychels tag, von Echern in sunzendorf. Engelprecht ze Chetzleinsdorf funf vnd zwainzich phenning vnd ain hvn an sand Mychels tag von Echern in sunzendorf. Rudel Zahman ze Chetzleinsdorf virzich phenning an sand Mychels tag von Echern in sunzendorf. Hailweich des pergmaisters swester ze Chetzleinsdorf ahzehen phenninge an sand Mychels tag von Echern in sunzendorf. Leupolt des pergmaisters Geswei ze Chetzleinsdorf ahzehen phenning an sand Mychels tag von Echern in sunzendorf. Rudolf Wilhalms aidem ze Chetzleinsdorf fvnfzehen phenning an sand Mychels tag von Echern in Sunzendorf. Rudel des pergmaisters pruder ze Chetzleinsdorf virzehen phenning an sand Mychels tag, von Echern in sunzendorf. Leupolt des pergmaisters Geswei ze Chetzleinsdorf drei Schilling phenning an sand Mychels tag von aim halbem lehen ze Chetzleinsdorf. Chunrat Chotstorfer ze Chetzleinsdorf Drei Schilling funf phenning, funfzehen ayer vnd ain hvn an sand Mychels tag von aim halbem Lehen in Chostorf. Vlreich des svmmers aidem bei Newenchircher Purgtor Drei Schilling fvnf phenning, fvnfzehen ayer vnd am hvn an sand Mychels tag von aim halben lehen in Chostorf. Gerdraut Engeltichin bei Newenchircher Purgtor sehs Schilling, zehen phenning Dreizich ayer vnd ain hvn an sand Mychels tag von aim Lehen in Chostorf. Nyclas vnd sein gemainer bei sand Vlreiches purgtor sehs Schilling, zehen phening, drayzich ayer, zwai hvner an sand Mychels tag von aim lehen in Chostorf. Rupel bei sand Vlreich drei Schilling, fvmf phening fvmfzehen ayer, ein hv^en an sand Michels tag von aim halben lehen in Chostorf. Hortin hinder den vir turn Drei Schilling fvnf phenning, fvnfzehen ayer an sand Mychels tag von aim halben Lehen in Chostorf Vnd zehen phenning an sand Mychels tag, von aim holtz an dem Leiterperg. Perchtold pergmaister ze Chetzleinsdorf zwelf phenning an sand Mychels tag von ainer hofstat an dem Griez. Herman Paster in Chetzleinsdorf sybenzich phenning vnd ain hvn an sand Mychels tag, von Echern in sunzendorf. Waltherin in der vngerstrazzen. virzich phenning vnd ain hvn an sand Michels tag, von Echern in Sunzendorf. Herman Geuritzer in Chetzleinsdorf virzich phenning vnd ain hvn an sand Mychels tag von Echern in Sunzendorf. Perchtold pergmaister in Chetzleinsdorf sybenzehen phenning an sand Mychels tag, von Echern in Sunzendorf. Chunzl hvk ze Chetzleinsdorf zehen phenning an sand Mychels tag von Echern in Sunzendorf. Mychel Wilhalms sun ze Chezzleinsdorf fvnf vnd sybenzich phenning an sand Mychels tag von Echern in Sunzendorf. Sybot in dem winkel bei Newenchircher tor zwainzich phenning an sand Mychels tag von aim Holtz in dem Gvtempah. Herman Chnapp ze Chetzleinsdorf fvnf vnd zwainzich phenning an sand Mychels tag von Echern in Sunzendorf. Wisent Prodersdorfer ein halbez phunt, fvnf phenning von ainer wisen in dem Gutempach an sand Mychels tag. Chvnigunt permenin ze Chetzleinsdorf fvnf vnd Dreizich phenning an sanct Mychels tag von Echern in Sunzendorf. Sidlo Waldner bei sand Vlreich Nevn phenning an sand Mychels tag, von aim Weingarten in dem Gutempah. Peter Gaizmir sun in der Teutschen Strazzen zwelf phenning an sand Mychels tag, von aim Weingarten in dem Gvtempach. Weinzech in der Garten straz, zehen phenning an sand Mychels tag von ain holtz am prvnlein. Symon der Chorner virzich phenning von aim Weingarten im gvtempah, an sand Mychels tag. Vlreich Vorster ze Chetzleinsdorf, ahzehen phenning von Echern im Gvtempah an sand Mychels tag. Perchtold der Smit vor Newenchircher tor zehen phenning, von Echern in gvtempah an sand Mychels tag. Wolflin bei sand Vlreich zwelf phenning an sand Mychels tag, von aim holtz im Gvtempah. Der Wolflin eninchel vir phenning an sand Mychels tag von aim weingarten im Gvtempah, Nyclas Chalochs sun vor Newenchircher tor fvnfzehen phenning an sand Mychels tag, von aim holtz vnd von aim Weingarten im Gvtempah. Ot Chlingvůrter Nevn phenning an sand Mychels tag, von ain Weingarten im Ramelspah. Hellenweiges průder in der o^ed Drei phenning an sand Mychels tag von aim Weingarten im Ramelspah. Perchtold ruschleins aidem in der Newenstadt, fvnf phenning an sand Mychels tag von aim Weingarten am prunlein. Dietreich der pehaim sechs phening an sand Mychels tag, von aim weingarten am prunlein. Chunzl auf dem Cherbach vir phenning an sand Mychels tag von aim weingarten an dem Gvtempah. Heinreich Rentel von Chrotendorf ainlef phenning an sand Mychels tag von Echern in sunzendorf. Wulfing Solgruber fvnf vnd zwainzich phenning an sand Mychels tag von Echern vnd von aim holtz in sunzendorf. Nyclas in der peunt ze Chrotendorf zwainzich phenning an sand Mychels tag, von aim weingarten in dem Gertenmaiz. Dietreich hinder den vir tvrn vir phenning an sand Mychels tag, von aim weingarten im Gvtempah. Chvnrat in dem Obermdorf ze Lanzenchirchen zwelf phenning an sand Mychels tag, von aim weingarten im Ramelspah. Chvnrat Wisenteins sun ze chezzleinsdorf vir phenning an sand Mychels tag von aim weingarten im Gvtempah. Heilweich des pergmaisters swester ze Chetzleinsdorf, acht phenning an sand Mychels tag von aim weingarten im Gvtempah. Chvnrat heilweigen sun fvnf phenning an sand Mychels tag, von aim weingarten im Gvtempah. Vlreich steger in der Newenstadt, zwen phenning an sand Mychels tag, von aim halben weingarten am prvnlein. Leupolt Newen phunt (sic) fvnf phenning an sand Mychels tag von aim holtz im prest. Der dienst aller der her nach Geschriben stet, ez sei wein oder phenning, der gehort auf Sand Mychels ierichleichen ze dienen. Chvnrat der Graf in der Langenhainzlin Straz Nevn phenning von aim holtz im Prest. Leutoldin dev witwe sechs phenning von aim weingarten im Gvtempah. Walter wisenteins sun zwen phenning von aim weingarten im Gvtempah. Rudolf Plakauner drei phenning von aim weingarten im Gvtenpah. Menhart hort drei phenning von aim weingarten im Prest. Dev Pewerin Drithalben phenninch von aim weingarten im Gvtempah. Schetzlin drithalben phenninch von aim weingarten im Gvtempah. Ramsawer von Chrotendorf fvnf phenning von aim weingarten im Ramelspah. Mychel Perman fvnf phenning von aim weingarten in Prest. Reichel Wisenteins sun zwen phenning von aim weingarten am Prest. Vlrich Vicharter fvnf phenning von aim weingarten am prvnlein. Der Deutschen herren Mayer fvnf phenning von aim weingarten am Prest. Hainreich geuritzer ze Chetzleinsdorf, vir phenning von aim weingarten im Gvtempah Vnd sein Gemainer vir phenning von demselben weingarten. Der Pharer von Lanzenchirchen fvnf phenning von aim weingarten am Prest. Rudol der Mentler fvnf phenning von aim weingarten in Gvtempah. Stefan von Taygez fvnf phenning von aim weingarten in Gvtempah. Andre in Gvtempah fvnf phenning von ainer Setz in Gvtempah. Vlreich des Stimmers aidem ze Chetzleinsdorf fvnf phenning von einer Setz in Gvtempah. Herman von Schiltgraben vir phenning von aim weingarten im prest. Fridreich Muntvol ze Chetzleinsdorf fvnf phenning von ainer Setz im Gvtempah. Jacob Milcher Nevnzehen phenning von aim weingarten im Gvtempah vnd von aim holtz im Ramelspach. Chunrat der Swab vir phenning von aim weingarten in prunleins. Dietmar Schereich drei phenning von aim holtz am prunleins. Wolfger von Lanzenkirchen fvnf phenning von aim weingarten in Ramelspach. Walther Cherner zu Lanzenchirchen fvnf phenning von aim weingarten im Ramelspach. Nyclas Eckarts sun vor Newenchircher tor sechs phenning von aim weingarten im Gvtenpah. Ot Ruschel zehen phenning von aim weingarten im Prest. Leupolt mit dem Mail drei phenning von aim weingarten im Prest. Ot Gvthail fvnf phenning von aim weingarten am prunlein. Vurstin vir phenning von aim weingarten am prunlein. Wulfing von Sunzendorf, acht phenning von aim weingarten in Ramelspach. Jekel des Ammans sun von Chrotendorf, fvnf phenning von aim weingarten in Ramelspach. Technarius von Chrotendorf sehs phenning von aim weingarten in Ramelspach. Lendenvrost ze Lanzenchirchen sehs phenninge von aim weingarten in Ramelspach. Hertel der Decher fvnf phenning von aim weingarten im Prest. Vlreich Mulner fvnf phenning von aim weingarten im Prest. Chnap herman fvnf phenning von aim weingarten im Prest, Perchtold Geuritzer drei phenning von aim weingarten im Prest. Perchtold pergmaister ze Chetzleinsdorf fvnf phenning von aim weingarten in Ramelspach. Rudolf Wein-zephel vnd Lienhart sein pruder, acht phenning von aim weingarten in Ramelspach. Seidel von hedreinswerd vnd sein Gemainer aht phenning von aim weingarten in Ramelspach. Hertel wegenstrutzel von Chrotendorf fvnf phenning von aim weingarten in Ramelspach. Nevchom von Walperspah sehs phenning von aim weingarten im prunlein. Vasolt von Chrotendorf fvnf phenning von aim weingarten in Ramelspah. Mort von Brov des zephleins pruder sechs phenning von aim weingarten in Ramelspah. Heinreich zephel in der o^ed, fvnf phenning von aim weingarten in Ramelspah. Echart Nevchom von Chrotendorf, vir phenning von aim weingarten in Ramelspah. Fridel vůrst fvnf phenning von aim holtz am prunleins. Mychel wilhalms sun, sechs phenning von aim weingarten am prunlein. Perchtold mulner vnd Gretmans sein Gemainer, zwen phenning von aim weingarten in Ramelspah. Herman Ruschel vir phenning von aim weingarten am prunlein. Chunrat Truchtel zwen phenninge von aim weingarten am prunlein. Pheriel in der Newenstadt vnd sein Gemainer fvnf phenning von aim weingarten in Gvtenpah. Geyseln sun, Ladochs eninchel zwen phenninge von aim weingarten an prunlein. Der Reich Ot von Lanzenchirchen drei phenning von aim weingarten in Ramelspach. Fridreich Chvnrats sun ze Chetzleinsdorf fvnf phenning von aim weingarten in Gvtempah. Chvnrat Channer ze Chetzleinsdorf drei phenning von aim weingarten in Prest. Vlreich vorster ze Chetzleinsdorf ain phenninch von aim weingarten in Prest. Fridreich Sprinzenstainer‚ vir phenning von aim weingarten ob der chapellen. Mert Stifter ze Chetzleinsdorf fvnf phenning von ain weingarten in Prest. Des Gepawern sun ze Chetzleinsdorf drei phenning von aim weingarten in Ramelspach. Chunrat Chempel ze Chetzleinsdorf fvnf phenning von aim weingarten in Ramelspach. Vlrich Zanner auf dem Cherbach ain halbem Ember wein von ain weingarten in Gvtempah vnd auch vierdhalben phennich auf den wein. Ortel der vurster ain halbem Ember, virthalben phenninch von aim weingarten am prvnlein. Vlrich der Chremlin sun ain halbem Ember virdhalben phenning. Dietel Chunlinch ze Chetzleinsdorf ein halbem ember virdhalben phenning von aim weingarten in Gvtenpah. Hertweich poschleins sun ze wolgerstorf Drei Ember vnd zwainzich phenning an ein helvling von ain weingarten in dem Ramelspach. Chvnigunt wolfhartin in der o^ed ain virtail wein vnd fvnf phenning von aim weingarten in Ramelspach. Reicher der pinter ein halben ember virthalben phenninch von aim weingarten an Prest. Veterl der Schor ain halben ember, virthalben phenninch von aim weingarten in Ramelspach. Dietreich von Brun ein halben ember virthalben phenning von aim weingarten in Ramelspach. Levtold Zanner in der stat ain virtail, zwen phenning von aim weingarten bei der Chappeln. Sidlo Chremel vnd sein prv^oder ain halben ember, virthalben phenning von aim weingarten in Gvtempach. Ot Rvschel ain halben ember, virthalben phenning von aim weingarten im Prest. Rudel des pergmaisters prv^oder von Chetzleinsdorf ein virtail, zwen phenning von aim weingarten im Gvtempah. Andre von Swarzach ain virtail, zwen phenning von aim weingarten in Ramelspach. Leubel der wahter bei Newenchircher tor ain virtail, zwen phenning von aim weingarten bei der Chappeln. Dietreich pehaim ain halben ember, virthalben phenning von aim weingarten in Ramelspach. Vlreich Geuritzer ze Chetzleinsdorf ain halben ember, virdhalben phenning von aim weingarten in Gvtempah. Wulfing von Stang ain virtail zwen phenning von aim weingarten in Ramelspach. Chunrat Truhtel ain virtail zwen phenning von aim weingarten bei der Chappeln. Fridel Vurst ain virtail zwen phenning von aim weingarten am prunlein. Ot Mauter ain halben ember, virdhalb phenning von aim weingarten am prunlein. Mychel sein sun ain virtail, zwen phenning von aim weingarten am prunlein. Dietmut pauleins hausfrawe bei sand Vlreich ain halben ember virthalben phenning von aim weingarten am prunlein. Perchtold der Smid vor Newenchircher tor ain ember, sibenthalben phenning von aim weingarten in Gvtempah. Herman Hauken tachter auf der Rinnen, ain halben ember virthalben phenning von aim weingarten in Gvtempah. Alber aupauch ze Chetzleinsdorf ain virtail zwen phenning von aim weingarten an prunlein. Chunrat am ek ain halben ember virthalben phenninch von aim weingarten in Gvtempah. Hainreich Cholbel ze Lanzenchirchen anderhalben ember zehen phenning von aim weingarten in Ramelspach. Vlreich Chatzenmaister ze Walperspach ain halben ember virdhalben phenning von aim weingarten in Ramelspach. Vlreich vlaisez ze harsendorf ain ember, sybenthalben phenninch von aim weingarten in Ramelspach. Sidlo hort ain halben ember, virdhalben phenninch von aim weingarten in Gvtempah. Wolfel der Wolflin sun bei sand Vlreich ain halben ember, virdhalben phenning von ain weingarten an prunlein. Das Spital dacz sand Elspeten in der Newenstat. ain halben ember, virdhalben phenning von aim weingarten in Gvtempah. Ot wirtsieben von Puten ain halben ember, virdhalben phenning von aim weingarten in Ramelspah. Mert Gvthail sun ain virtail zwen phenning von aim weingarten an prunlein. Vlreich plathv^of ain virtail‚ zwen phenning von aim weingarten am prunlein. Der pharrer von sand Vlreich ainen ember, sibenthalben phenninch von aim weingarten am prunlein. Reichel Scharnagel ze Chetzleinsdorf ain virtail, zwen phenning von aim weingarten in Gvtenpah. Vlreich prewer auf dem Cherbach ain virtail, zwen phenning von aim weingarten in Gvtempach. Wolfpreht ledrer drei ember zweinzich phenning an ain heblinch von aim weingarten im Gvtenpah. Alhait hortin ain virtail vnd ain phenninch von aim weingarten in Gvtempah. Dietreich von Prvn anderhalb virtail zwen phenning von aim weingarten in Ramelspach. Fridel der wurster ain ember sibenthalben phenning von aim weingarten am prunlein. Fridel partelmes aidem in der Newenstat, ain halben ember, virdhalben phenning von aim weingarten am prunlein. Perchtold der Pawer von Chrotendorf anderhalb virtail, drei phenning von aim weingarten am prunlein. Heinreich helt ain ember, sibenthalben phenning von aim weingarten in Gvtempach. Engelbrecht von Chetzleinsdorf drei virtail fvnf phenning von aim weingarten in Prest. Perchtold pergmaister ze Chetzleinsdorf ain halben ember, drei helbling, von aim weingarten ob der Chapellen. Grvpplin in der deutschen straz, Drei virtail, Drei phenning von aim weingarten in Gvtempah. Engeldiehin vor Newenchircher tor, ain ember drei phenning von aim weingarten ob der Chapellen. Der Churz Perchtold vnd der Henel bei sand Vlreich, ain ember, drei phenning von aim weingarten bei der Chapellen. Grvpplin in der Newenchircher straz, ain halben ember, drei phenning von aim weingarten ob der Chapellen. Durinch Chrugelholtz, ain virtail vnd ain phenning von aim weingarten ob der Chapellen. Der Churz Eber bei sand Vlreich, drei virtail, zwen phenning von aim weingarten in Gvtempah. Trautman des holden aidem ain ember, drei phenning von aim weingarten in Prest. Molsencz pech ain halben ember, drei helbling von aim weingarten ob der Chapellen. Leubleins witwe des prerrer ze Ouenpah ain ember drei phenning von aim weingarten ob der Chapellen. Heinreich apt, ain halben ember. Drei helbling von aim weingarten ob der Chapellen. Nyclas des apts Geswai ain halben ember von aim weingarten ob der Chapellen. Chunrat Chorbler ain halben ember Drei helbling von aim weingarten in Gvtempah. Stephan des Chorbler sun ain halben ember, drei helbling von aim weingarten am prunlein. Chunrat Wolfleins sun ze Chetzleinsdorf, ain ember, Drei phenning von aim weingarten in Gvtempah. Vlreich vlaisez von harsendorf ain halben ember, Drei helbling von aim weingarten in Ramelspah. Eberhart Slapan ain halbem ember. Drei helbling von aim weingarten ob der Chapellen. Nyclas der Nunnen, weinzurl ain halben ember, drei helbling von aim weingarten ob der Chapellen, Dietmar Hosnekel, ain virtail, ain phennich von aim weingarten am prunlein. Papelhaim drei virtail zwen phenning von aim weingarten in Ramelspah. Rudel Englains aidem des weber ain halben ember drei helbling von aim weingarten ob der Chapellen. Rudolf Wilhelms aidem ze Chetzleinsdorf ain halben ember, zwen phenning von aim weingarten in Gvtempah. Jeut walquns tahter in der o^ed, ain halben ember, zwen phenninge von aim weingarten in Ramelspah. Der menig Hartweich ze Chetzleinsdorf ain halben ember, drei helbling von aim weingarten ob der Chapellen. Mychel Chorner ain halben ember, drei helbling von aim weingarten am prunlein. Rechenszer ain halben ember, drei helbling von aim weingarten ob der Chapellen. Reich der ledrer, ain ember, drei phenning von aim weingarten ob der Chapellen. Der Stifterin sun ze Chetzleinsdorf vnd sein Gemainer ain ember drei phenning von aim weingarten am prunleins. Nyclas engelprechts sun ze Chetzleinsdorf ain virtail vnd ain phenning von aim weingarten ob der Chapellen. Daz vorgenante Perchrecht an wein vnd an phenning ist an dem Leiterperg gelegen. Dar uber dienent etleich Hofsteten in der Lederer Strazzen auf sand Mychels tag zwen vnd sybenzich phenning ierichleichen. Der dient Nyclas der Eder zwelf phenning von ainer hofstat. Reichel Engeldich sehs phenning von ainer halben hofstat. Mert der Visinch fvnfzehen phenning von fvnf virtail zwaier hofstet. Chunrat der Prvklerin aidem drei phenning von aim virtail. Gunthers hof acht phenning. Jans der Geyer vir phenning. Hainreich prunner Newn phenning. Vlreich der Maurer drei phenning. Wulfinch Slaher drei phenning. Mychel swab drei phenning. Dietel Chursner drei phenning. Leb der Cheuffel drei phenning von aim virtail ainer hofstat. Daz der vor genante Chauf stete sei vnd vnzeprochen vürpaz beleib‚ des geben wir dem vor genanten hern Leben dem Prunner vnd Eberharten seim sun Den brief zi einn Ewigen Vrchund vnd Gezeug des Chauffes. Versigelt mit vnserm Insigel Vnd mit der Erwern Purger Insigel von der Newenstat, di durch vnser Lieb vnd durch vnser pet willen ir Gemainz Insigel habent an den brief gelegt. Des sint auch Gezeug, pruder Jacob, zu den zeiten Prior vnsers chlosters, der Hekler, Pruder Ruger der Spitaler, Pruder Heinreich Spanhalm ober Chelner vnsers Chlosters, Pruder Vlreich Gvmpendorfer, Pruder Tomas, Pruder Jacob Olpans, Pruder Chvnrat der herren Siechmaister. Pruder Fridreich von Vittring. Pruder Seyfrid von Myckelstetten, Pruder Vlreich ze den zeiten Hofmaister ze der Newenstat, Wernhart Richter zi Treschirchen, Vlreich vnd Jacob sein pruder Vnd ander erwer Leut Genůch, den der Chauff wol chunt ist. Der brief ist Gewen nach Christi Gepurt Drezehen Hundert Iar Vnd in dem Ainz vnd zwainzisten Iar, an sand Johans tag ze Sunniwenten.

Source Fulltext: WEIS, Heiligenkreuz (=FRA II/16, 1859) S. 68-78