Wir Pruder Symon Appt vnd der Conuenth des Chlosters daz dem Newenpergs Vergehen offenleich an disem prief, Daz wir vnsern Hof gelegen in dem Dorf Phafsteten vnd haist der Slu^essel hof, den wir chauft haben um vnser aygenhaft Guet vnd in auch von einer Öd auferpaun haben, zu rechtem Purchrecht haben von den Erbern vnd Geystlichen den Herren von dem Heyligen Chreutz vnsern Vaetern vnd weysern, vnd erchenen auch, daz wir von demselben Hof in irn Zins iarleich raichen vnd geben schullen Dreisich wienner phenning an sand Michels tag ze gruntrecht vnd nicht mer. Darzu verpinden wir vns auch, von dem egenanten Hof mit ze leyden mit der gemain daselbs alle voderung, wie die genant ist, als vil als ein ander man in dem Aygen von so vil hab leydet oder leyden schol an ale geverd. Wir Mu^egen auch, oder wer vnser wiert in dem egenanten haus ist, darin allen vnsern frumen schaffen, als ein anderr puriger in dem Dorf. Vnd zu einem warn vrchund diser sach, Geb wir in disen Prief versigelt mit vnsern anhangenden Insigeln. Geben nach Christes gepurd Drevzechen hundert Iar darnach in dem acht vnd Sechtzgisten Iar, an sand Peter vnd sand Pauls Tag der Heyligen Zwelif Poten.

Source Fulltext: WEIS, Heiligenkreuz (=FRA II/16, 1859) S. 287