Ich Meinhart der Giel von Dra^eschirichen, zu^e den zeiten amptman der erbern geistlichen herren dacz dem Heiligen Chraw^ecz, vergich offenlich mit dem brief,¹ daz fu^er mich chom, do ich saz an der selben meiner herren stat an offem gericht, der erbe^er herr her Jacob, zu^e den zeiten pharra^er ze Alacht, und chlagt mit vorsprechen auf hern Hannsen, dieczeit pharre^er Unser Vrawnn pharrkirichen in der Newnstat, haws und swas dar zu^e geho^eret, gelegen daselbes ze Dra^eschirichen, genant das Tu^echhaws, zenagst der prukk, umb newn phunt Wienner phennig versezzen gruntrechts, die in darauf versezzen wêrn von dem phunt geltes gruntrechts, das er auf dem egenanten Tuchhaws hiet, und chlagt umb daz egenant versezzen gruntrecht, als² verr uncz daz im mit vrag und mit urtail geviel, ich solt dem vorgenanten hern Hannsen, pharre^er in der Newnstat, ze wizzen tu^en, ob er das egenant sein haws mit seiner zu^egeho^erung verantwu^ertten wolt, und gescha^ech darnach, was ein recht wêr. Des tet ich im ze wizzen, als ich ze recht solt nach des lanndes recht ze o^esterrich, und nach demselben ze wizzen tu^en chom der vorgenant her Jacob wider fu^er mich, do ich saz an offem gericht, aber der egenant her Hanns noch ander yemant von seinen wegen, der daz vorgenant Tuchhaws und swas darczu^e gehort verantwu^ertt hiet, chomen nicht. Do pat derselb her Jacob vragen, was nu recht we^er. Do ward im mit vrag und mit urtail vervolgt und ertailt, er solt mir mein recht geben. Daz hat er getan, und solt ich in des vorgenanten hawses, genant das Tu^echhaws, unde swas darczu^e geho^eret genczlich gewaltig mochen³ und an die gewer seczen. Daz hab ich auch getan, also daz er und all sein nachkomen pharrêr ze Alecht su^ellen furbas dazselb haws und swas darczu^e geho^eret ledichleich und freyli^ech haben und allen i^ern frumen damit schaffen, verchauffen, verseczen und gewen, wem si^e wellen, als es in und demselben gotshaws allerpest chôm und fu^eg, an allen i^ersal, und solt ich in des mein urchund geben, und wand ich selber aigen insigel nicht hab, darumb so gib ich in den brief zu einem warn offem urchund der sach, versigilten mit der zwair erbern mann insigiln, Stephans des Zehentne^er, lantrichte^er ze Dra^eschirichen, und Cholman Staynvelde^er ze Phafsteten, di^ee ich des vleizzichlich gepeten hab, daz si der sach geczeugen sind mit iern insigiln\e, in an scha^eden.||
Der brief ist geben nach Christi gepu^erd im vierczehenhundertistem jar an sand Margreten tag.