Ich Chunigund, Merteins des Alacht selign witib von Dreschirchen, vergich offenleich mit dem gegenburtigen brief, das ich mit wolbedachten mu^et und mit gunst und rat und auch willen meiner nachsten erben und frewnt, zu der zeit, da ich es wol getu^en macht, meinen hoff gelegen zu Dreschirchen vor dem ta^er pey der strass, dy in dew Newnstat get, zunachst Mert des Silberbeyss, mit aller seiner zugehorung, pawngarten, weingarten, ekcher und wismad, gestifft und ungestifft, versucht und unversu^echt, als der egenant mein selliger wi^ert mit mir und auch ich noch seinen abganche denn selbigen hoff mit aller seiner zugeho^erung in nucz und in gewer inngehabt hab und besessen an all ansprach unts auff den heutigen tag, und von den selbing hoff man jerleich dienet dem erberen priester heren Fridreichen, chapplan Sand Niclas chapellen daselbs zu Dreschirchen, zwen und dreissig phenning an sand Jo^erig tag und von dem pawngarten hinden daran gelegen, der in den selbigen hoff gehoret, man auch an sand Jo^erign tag dienet drey schilling phenning dem erwirdigen herren dem abpt zu dem Heiligen Chrewcz und nicht mer, geben hab ledichleich und freyleich und auch gib mit urchund des briefs und mit gunst und willen des egenanten heren Fridreich, der des hofs gruntherr ist, dem erberen man Wolffharten dem Rues von Welesdorff zu inhaben, zu nuczen, zu besiczen, zu verseczen, verchauffen und zu tu^en damit, was im gevall, geben, machen, schaffen, wem er well, an all i^errung mein und meiner erben und frewnt, doch also weschaydenleich, das der egenant Wolffhart Rues mich mein lebta^eg mit speys und anderen meiner notdurfft dorumb sol verwesen, als ich im getraw. ||
Und das mein geben und willen ervolt werd, als oben geschriben stet, gib ich im den brieff, besiglt, wann ich aygn insigel nicht hab, mit der erberen mann insigel Michels des Ricznmaisser, purger zu Dreschirchen, und Hainreichs Goltsmits, dieczeit judenrichter daselbs zu Dreschirchen, de der sach geczeug sind mit irn anhangunden insigel, in und iren erben an schaden. Auch verpind ich mich mit meinen trewn an aydes stat under der obgenanten erber mann bayder insigel, ste^at und unczebrochen halden alles, das var geschriben ist, an geverd.||
Der brieff ist geben zu Dreschirchen am phinczag var sand Peternell tag, da man zelt noch Christi gepurd virczechenhundert jar, darnach in dem newnten (Rest von der Plica verdeckt).