Ich Hanns Fu^ellensakch vergich fur mich und fur all mein erben und tu^en kund allen den, die den brief lesent oder ho^erent lesen, die nu^e lebent und hernach ku^enftig sind, das ich mit gu^etem willen, mit wolbedachtem mu^et und nach rat meiner frewnt, zu der zeit, da ich es mit recht wol getu^en mochtt, mich verczigen und fu^erczichtt getan hab, und verczeich auch mich wissentleich mit kraft des briefs gegen den erbe^arn geistleichen herren bru^eder Albrechten, zu den zeiten abbt dacz dem Heiligenkrew\acz, und dem convent gemain daselbs und gegen allen i^ern nachko^emen, des gu^ets gelegen ze Weczeldorf, das ettwenn Kristans von Hagenprunn gewesen ist, des dieselben geistleichen herren nucz und gewer gesezzen sind und noch nucz und gewer siczent und als es von alter hercho^emen ist, das wi^er darumb ze paider seytt liepleich und frewntleich miteinander verebent und berichtet sein, also beschaidenleich, das ich noch all mein erben noch ander nyemant von unsern wegen furbas auf das vorgenant gu^et nymermer chain ansprach noch vordrung nicht haben noch gewinnen noch chains rechtens darauf jehen sullen, weder mit worten noch mit werchen, mit recht noch an recht, in chainerlay weis. Das gelob ich den benanten geistleichen herren und i^ern nachko^emen ste^at ze haben und ze volfu^ern mit meinen trewn ungeve^arleich, und sullen auch si und all i^er nachko^emen das vorgenant gu^et ledichleich und freileich haben und allen i^ern frumen damit schaffen, verchauffen, verseczen und geben, wem si wellen, und alles das damit tu^en und hanndeln, das in allerpest fuegt oder wol gevellet, an mein und meiner erben und me^anichleichs von unsern wegen i^errung und hindernu^ezz, an alles geve^ar.||
Und das die fu^erczicht und sach furbas also ste^at und unczebrochen beleib, daru^eber so gib ich obgenanter Hanns Fullensakch fur mich und fur all mein erben den benanten geistleichen herren und i^ern nachko^emen den brief zu einem warn u^erchund der sach, versigilten mit meinem anhangunden insigil. Darczu^e so hab ich vleissichleich gepeten den erbe^arn Chu^enraten den Voyt, dieczeit phleger ze Greytschesteten, das er der sach geczewg ist mit seinem anhangunden insigil, im und seinen erben an schaden.||
Der brief ist geben nach Kristi gepu^erd vierczehenhundert jar, darnach in dem zehenten jar, an sand Larenczen abent.