Ich Jo^erig der Dekche^ar und ich Elspet sein ha^eusfraw^e und all unse^ar eriben, wi^er verjechen offenleich mitt dem brieff und tu^en ku^end allen den, den er fu^erku^embt ze horen ode^ar ze lesen, das wir recht und redleich verchau^efft haben unse^arn weingarten halben, und der da gelegen ist am Challte^enperig in der Vo^arsthuet zu^enagst Jerigeins des elte^arn Stoyans weingarten und davon man all jar jerleichen diennt den erwirdigen geistleichen herren gen Ge^amnig drew actail most perkchrechtz, vor dem weingarten zu^e dienn, und diennt au^ech dem edeln herren hern Reinprechten von Walssee gen Rau^ehenekk zu^e pu^erkrecht und fu^er den zehent, so von halben weingarten gepuert, funf und sybenczig phe^annig an sand Jerige^an tag und nicht mer, und ist au^ech vor allen andern diennst frey und ist geschehen mit des perigmaister Hannseins dez Haunolts handen und mit des edeln herren von Wallssee amptmans handen Lyenharcz des Mu^ellner. Denselben unsern weingarten halben mit allen nu^eczen, eren und rechten, als wir in unversprochenleich in perkrechts gewe^ar herpracht haben und als er von allter herkommen ist, den haben wir recht und redleichen verkau^efft und geben umb vier und czwainczik phunt Wienner phenning und umb sechczig phenning, der wir gancz und gar gericht und gewert sein, dem weschaiden Kristan Poltinger im Dorfflein und Katrein seiner hau^esfrawn und i^ern paiden eriben, also das si schullen und mu^egen ffurbaser ledichleich und freileichen allen i^ern frumen damit schaffen, verseczen, verchauffen, schaffen, geben und machen, wem si wellent, an allen krieg, mu^ee und i^errung. Wir sein au^ech dez halben weingartens ir rechtter scherm und gewer genczleich fur all ansprach, als solichs chau^effs und lanndes ze Osterreich recht ist. Wer awer, das in icht krieg, infell oder ansprach au^efferstu^end mit recht, von wem das wer, von des obgenanten halben weingarten wegen, das sullen wir in alles ausrichten und richtig machen an allen irre^an schaden, und wes si dez schaden nement, denselben schaden allen schu^ellen wir in alles au^esrichten und widerkern an all ir mu^ee und schaden. Si schu^ellen au^ech daz haben daz uns, unsern trew^en und unverschaidenleich au^eff allen unsern gu^et, wo wir daz haben oder gewinnen, ez sei iner lants oder auser lants, wir sein lebentig oder tad. Und daz der chauff hinfur also stet und unczebrochen beleib, darumb geben wir in den brieff zu^e einer waren, steten urchu^end der sachen, und wann wi^er selb aygen sigil nicht haben, so haben wir gepeten den erwirdigen geistleichen herren hern Lyenharten prior zu Ge^amnig, der dez weingarten gru^enthe^arr dieczeit gewesen ist, daz der sein sigel zu^e pestetigung an den prief gehangen hat, und darczu^e so haben wir vlessichleich gepeten den eribern Hainreichen den Prannt, dieczeit phleger zu Rauchenek, daz der zu^e geczeugnuss sein sigel an den prief gehangen hat. Darunder wi^er uns verpinden, allez daz stet zu^e haben, daz oben an dem brief geschriben stet, im und seinen eriben an schaden.||
Der pri^eef ist geben nach Kristi gepu^erd virczehen hundert har, darnach in dem czwa^ey und czwainczkistem jar, an sand Jorigen tag.