Wi^er Albrecht von Gotes gnaden herczog ze O^esterreich, ze Steyr, ze Ke^arnden und ze Krain, markgraf zu Me^arhern, herr auf der Windischen Marich und zu Portenaw, graf zu Habspu^org, ze Tyrol, ze Phi^ert und zu Kyburg, markgraf zu Burgaw und landgraf in Elsazzen, bekennen und tu^on kunt offenleich allen le^auten, gegenwu^ortigen und ku^enftigen, die disen brief sehent, lesent oder ho^erent lesen, daz fu^er uns kam der erber geistleich unser lieber andechtiger Johans abbt des klosters zu dem Heiligen Kre^autz des ordens von Czitel, Passawe^ar bistumbs, an stat sein selbs, des convents und des klosters daselbs zu dem Heiligen Kre^autz, und bat uns fleissicleich, daz wi^er im, demselben seim convent und gotzhawse geru^echten ze vernewen und zu beste^atten so^elich gnad, freihait, brief und recht, die in von weilent den durchleuchtigisten fu^ersten kayser Fridreichen von Rome gegeben we^arn und die in darnach von weilent ku^enig Rudolfen und ku^enig Albrechten von Rome, herczog Albrechten unserm urenen, herczog Albrechten unserm enen und herczog Leupolten seim bru^oder und herczog Wilhelmen unserm vettern und herczog Albrechten unserm lieben herrn und vater, herczogen ze O^esterreich etc., den allen Got gene^adig sey, mit menigen andern freyhaiten und gnaden vernewet und beste^attet sind, als das alles die brief, die si von denselben unsern vorvordern se^aligen habent und die uns derselb abbt daczemal fu^erbracht, aigenleich innhaltent und auzweisent. Und wan wi^er derselben unser vorvordern fusstaphen in allen go^etleichen und gerechten sachen, damit si klo^ester und goczhe^auser begnadet und gefreyet habent, billeich nachvolgent sein, haben wi^er voraus durch Gotes willen, damit wi^er tailhe^aftig werden aller gutte^at, so in dem egenanten kloster begangen werdent, und durch nucz, frumen, scherm und aufnemen willen desselben goczhauss und auch von sondern gnaden dem obgenanten abbt .., dem convent und dem kloster zu dem Heiligen Kre^autz und allen iren nachko^emen die egenanten brief und all und yecleich freyhait, recht und gnade darinn begriffen von newn dingen beste^att, vernewen und best\atten in auch die wissentleich mit kraft diczs gegenwu^ertigen briefs fu^er uns, unser erben und nachkomen, was wi^er zu recht daran beste^atten su^ellen oder mu^egen, und mainen und wellen, daz die mit allen pu^enden und artikeln, so darinn begriffen sind, genczleich bei i^eren kreften beleiben und war und ste^at gehalten werden an me^anicleichs i^errung und hindernu^ess ungeve^arleich, als ob si von wort zu wort hie i^en disem brief begriffen we^arn. Davon emphelhen wi^er unsern lieben getrewen, .. allen unsern haubtle^auten, .. unserm lantmarschalch in O^esterreich, wer die ye zu den zeiten sind, .. allen herrn, rittern und knechten, phlege^arn, burkgraven, mautte^arn und allen unsern ambtle^auten und undertanen, den der brief geczaigt wi^erdet, und wellen ernstleich, daz si den vorgenanten abbt, sein convent und all i^er nacho^emen des obgenanten gotzhawss bei diser unserr beste^attung und den gnaden und freyungen in den obgemelten i^ern brieven begriffen ge^anczleich lassen beleiben und si daran nicht hindern noch irren in dhain weis, oder si te^aten swe^arleich wider uns und we^arn dartzu vervallen der peen, so in denselben unserr vordern briefen begriffen sind.||
Und des ze u^orkunt und sicherhait haben wir unser fu^erstleichs gross insigel gehenget an disen brief, der geben ist zu Wienn an montag nach sant Veits tag, nach Kristi gepu^erde viertzehenhundert jar, darnach in dem vierundzwaintzigisten jare.