Ich Peter Pre^awndel, gesezzen vor Stubentor ze Wienn in der Lanntstrass, und ich Elzbeth, Hannsen Vilshofer des schu^esters hausfraw, des benenten Petern des Pre^awndleins und Annen seiner hausfrawn se^aligen tachter, veriehen fu^er uns und all unser erben und tu^en kund offenlich mit dem brief allen den er furku^embt, das wi^er mit gu^etem willen und wolbedachtem mu^et zu^e der zeit, da wi^er es wol getu^en mochtten, und mit des erbern mannes hannd Vlreichs von Sand Po^ellten, dieczeit des hochgeborn fu^ersten herczog Albrechts herczogen ze O^esterreich und markgrafen zu Me^arche^arn etc. unsers gne^adigen herren ambtman in der Schefstrass vor Stubentor ze Wienn, verkauft haben unsern garten gelegen in der Gartnergassen daselbs zenagst Andres des Walichs garten, davon man alle jar dient dem benanten unserm gne^adigen herren herczog Albrechten fu^enfczehen Wienner pfening an sand Michels tag ze gruntdi^enst und nicht mer. Denselben garten haben wir rechtt und redleich verkauft und geben mit allen den nu^eczen und rechten, als wir in unversprochenleich in gruntrechts gewer herbracht haben und von alter herko^emen ist, umb zway und dreissig phunt Wienner phening, der wir gancz und gar verricht und gewert sein, der erwirdigen geistlichen frawn swesster Kathrein der Lannginn, abbtte^assinn der geistlichen frawn kloster zu^e sand Niclas vor Stubentor ze Wienn, dem connvent gemain daselbs und i^ern nachko^emen furbaser, den egenanten garten lediklich und freileich ze haben und allen i^ern frumen damit ze schaffen, verkauffen, verseczen und geben, wem sy wellen, und alles das damit tu^en und hanndeln, daz in am allerpesst fu^egt und wolgevellet, als mit anderm i^erm gu^et, das zu^e demselben i^erm kloster geho^eret. Wir sein auch mitsambt allen unsern erben unverschaidenleich des vorgenanten gartens irr rechtt gewern und scherm fu^er alle ansprach, als gruntrechts und der stat zu Wienn recht ist. We^ar aber, das in icht krieg oder zuspru^ech daran auferstunden, von wem das we^ar mit recht, was sy des schaden nement, das sullen wir in alles ablegen und widerkern an allen i^ern schaden, und sullen sy das haben dacz uns und auf allem unserm gu^et, das wir haben in dem land ze O^esterreich oder wa wir es haben, wir sein lembtig oder tod. Und daz der kauff also ste^at und unczebrochen beleibe, des ze ainer warn urkund geben wir fu^er uns und all unser erben in den prief, versiglten mit des obgenanten ambtmans insigl Vlreichs von Sand Po^ellten und mit des erbern mannes Larenczen des Holczke^awffl, purger zu^e Wienn, anhangendem insigl, den wir mit fleiss darumb gebeten haben, im an schaden, und wan wir nicht aigen insigl haben, so verbinden wir uns mit unsern trewn angeve^ar under den egenanten insigln, alles das stet ze haben, das vorgeschriben stet.||
Geben zu Wienn an Allerheiligen abend, nach Kristi geburd vierczehen hundert jar und in dem fu^enffundzwainczigistem jare.