Wir Leonart von Gottes genaden bischoff ze Passaw bekennen offenntlich mit dem brief, das uns der ersame, in Got und unser sunnder liber, der abbt zum Heiligen Crawcz unnsers bistumbs und ain bruder seins convents daselbs furbracht haben weilent unsers liben herren und vorvordern bischoff Jorgen guter gedechtnisse versigelten und unvermeiligten brief, in dem selben er ettlich gnade und freyheit dem obgenanten kloster gegeben, vor weilent auch unserm vorvordern bischoff Albrechten zu Passaw seligen, der von wortt zu wort allso lawttet:||
(folgt die Urkunde von 1402 Aug. 18, hier Nr. 13, einschließlich der dort inserierten Urkunde Bischof Albrechts von 1365)||
Nu bate uns der obgemelte abbtt mit diemu^etigem vleiss, das wir im und seinem gotzhaus solh gnade und freyheitt gnedigclich geru^echten zu vernewen und ze bestetten, haben wir angesehen sein redlich und pillich bete, darumbe und auch von sunders gutem willen wegen, den wir zu dem vorgenanten abbtt, seinem orden und gotzhauss lautterlich tragen, haben wir im die benenten brif mit aller irer innehaldung, pu^enten und artickeln vernewtt und besta/ett, verneuen und beste^atten die auch mit gutter wissen den vorgenanten abbt und sein gotzhaus bey solhen irn freyhaitten und gnaden ungehindert lassen beleiben und dawider nicht tun noch gestatten getan werden, getrewlich und an alles geverde.||
Mitt urkundt des brifs, versigellt mit unserm anhangundem insigel. Geben ze Wienn an suntag vor Anthonii, nach Kristi gepurde viertzehenhundert jar, und dornach in dem nawnundzwainczigistem jare.