In nomine Domini, amen. Super controversia, que dudum inter venerabiles in Christo patres dominos .. abbatem monasterii Medlicensis et ipsius conventum ordinis sancti Benedicti nullo medio ad sedem apostolicam pertinentis ex una ac .. abbatem monasterii Sancte Crucis et ipsius conventum ordinis Cysterciensis Pataviensis diocesis partibus ex altera occasione quarundam decimarum vinearum in parrochiis Medling et Dre^askchirhen ac earum capellis et filiabus vertebatur, iidem venerabiles patres et domini ac amborum ipsorum conventus, qualia aut quanta damna et pericula ipsis et monasteriis ipsorum ex discordia huiusmodi orta sint et provenerint aut que in futurum graviora oriri possent, pie ac provide considerantes in nos, videlicet Georgium prepositum monasterii Neunburgensis ordinis Canonicorum regularium sancti Augustini, Leonardum priorem domus Maurbacensis ordinis Cartusiensis, Casparem Maysselstam ordinarium facultatis iuris, plebanum in Alten Po^elan Pataviensis diocesis prefate, et Conradum de Hallstat sexistam rectorem ecclesie parochialis in Guttarn (?) Saltzburgensis diocesis, decretorum doctores studii Wiennensis, concorditer electos et nominatos in arbitros, arbitratores, amicabiles compositores et amicos comunes compromiserunt, ut in litteris compromissi desuper confectis ac hinc inde datis plenius continetur. Nos igitur predicti arbitri, arbitratores etc. tanquam amici comunes bono zelo ad tollendum posteris omnem litigandi occasionem, quantum possibile erit, omnibus ambarum partium privilegiis, iuribus, munimentis ac compositionibus hinc inde diligenter visis et examinatis ad corroborandum inter prefatos venerabiles patres et dominos .. abbates ipsorumque conventus perpetuam in domino prout expedit caritatem fraternam, primo dicimus, pronunciamus, laudamus et arbitramur, quod ipsum monasterium Sancte Crucis habere debet nonaginta octo vineas ab omni decimarum solutione omnino liberas et quietas. Quarum vinearum nomina hic secundum ordinem annotantur et sunt tales: In Entzesdorf vinea Perbestal, Chelne^ar, Turne^ar, Staingrueb, Chebe^ar, V^etelstainer, Plint, Secza capelle, Weyersecze^el, Neunburgerseczel. In Medling item vinea Hell, Rotenpewnt im Pruel, Secza curie, Spe^anring, Gerstakker, Prayten, Geren, Wissetz, Feyleysen, Subne^ar et Schuerler. In Talaren vinea Wagendru^essl, Gaysruck, Studenten, Hofpewnt, Chrump, Durhlstain, Amalaspewnt, Ru^enig, Geyr, Geren, Permanisch, Mader, Drumawer, Naslas, Newnburger, Chrewspeckel, Pruech, Stayne^ar, Weinfu^erer, Pressweingarten, Maior Rosenpewnt, Alltgrefft, Schl[.]t et Viereck, Iuvenis Rosenpewnt et Mons Sancti Iohannis seu Phfenninge^akkche^ar. In Phfaffsteten vinea Radawne^ar, He^artel, Enzesdorfe^ar, Glet, Fl[.]rentu^ech, Selgre^at, Tuntz, Schenck, Wolfspewnt, Syck, He^awperger, He^awchugel, Traystetter, Preyser, Rahen, Lantgraf, Pressweingarten, Aychorn, Pyzing, Iuvenis Pyzing, Twerich, Wenigweinge^artel, Geren minor, Gre^awtt, Hausenstukch, Geren maior, Sawzagel, Ayre^ar, Arno^eltel, Scho^enchircher, Schlu^esler, Trewffenche^as. In Paden vinea Herzoginn, Huetterinn, Muem, Prunne^ar, Pewnta curie, Spitale^ar, Chu^endleynspewnt, Wolfstainer, Nuspe^amel, Gre^awttel, Drumawe^ar, Schmidmaister, Chlainshe^akchel, Fre^ankchel, Vorschhu^ot, He^amerl, Peckstainer et Rayvalakcher. In Soos una, que vocatur Spitale^ar. Secundo pronunciamus, laudamus et arbitramur, quod vinee predicte in confinibus et ipsarum limitibus per lapidum positionem aut aliis signis infallibilibus et notissimis infra annum a tempore nostre pronuntiationis expensis communibus utriusque partis sub penis infra exprimendis confiniantur, signentur et notentur, prout melius et efficatius in perpetuam rei memoriam fieri poterit, fraude et dolo semotis quibuscunque. Tercio in recompensam decimarum a quibusdam predictis vineis dicto monasterio Mellicensi debitarum dicimus, diffinimus et laudamus, quod decima vinearum in Arsteten in parochia Berchtoltzdorf sitarum, que per prius ad dictum monasterium Sancte Crucis pertinebat, in perpetuum futuris temporibus ipsi monasterio Medlicensi cedere debeat et debet eandemque plenarie percipere ut suam sine ipsius monasterii Sancte Crucis qualibet contradictione aut impedimento. Insuper quarto, quia ex secunda compositione ducis Leupoldi monasterium Sancte Crucis prefato monasterio Medlicensi ad quatuor carratas musti singulis annis tenebatur, dicimus, pronunciamus et arbitramur, quod secundum redemptionem seu compositionem inter dicta monasteria, ut in quarta compositione continetur, factam ipsum monasterium Sancte Crucis prefato monasterio Medlicensi triginta sex urnas musti in villa Baden ex vinea Pewnt vocata singulis annis persolvere teneatur. Item quinto laudamus et arbitramur, quod si dictum monasterium Sancte Crucis in posterum aliquam aut aliquas vineam aut vineas ultra predictas nonaginta octo, quas de presenti habet, ut supra in articulo primo premissum est, aut in futurum alias emptione, legato, testamento, concambio vel alias piarum manuum largitione seu quovis alieno tytulo in dictis parochiis Medling et Dre^askchirchen aut ipsarum filiabus habere contigerit, quod ex tunc eedem vinee aut vinea ipsi monasterio Medlicensi ad decimas integras teneatur. Deinde dicimus et pronunciamus sexto, quod si aliqua aut alique vinea aut vinee de predictis nonaginta octo extra monasterii Sancte Crucis proprietatem et dominium omnino pervenerit, quod vinea sic alienata ad decimam ipsi monasterio Mellicensi ex integro teneatur. Pronunciamus et septimo, quod si monasterium Sancte Crucis de terris suis propriis, agris, virgultis, nemoribus aut pratis ante concilium Lateranense hucusque continue habitis vineam aut vineas ex agris aut pratis seu vice versa agros ex vineis de novo mutare aut plantare contigerit, secundum quod de iure potest et quas propriis manibus aut sumptibus excolerent aut aliis concederent excolendas, de quibus tamen aliquis decimas seu primicias non percepit iuxta tenorem privilegii Bonifatii VIII. dicto monasterio Sancte Crucis super hoc concessi dummodo proprietas ab ipso non recesserit, quod sic mutata aut plantata ad decimas non teneantur ipsi monasterio Medlicensi exolvendas. Item ad hoc ut partium concordia plus in futurum augeatur ac omne scandalum et fraudis occasio evitetur, pronuntiamus et arbitramur, quod ex locatione de predictis vineis aliquas colentes tempore vindemiarum diem collectionis intiment decimatori et loca quibus illa deportant. Item pronunciamus et arbitramur, quod de preteritis occasione predicte litis et discordie hinc inde hucusque factis ac super expensis aut alias quovis modo receptis seu detentis neutra partium alteri teneatur in iudicio aut extra quovis modo, quin ymo res et causa dicte discordie sit totaliter et penitus sopita sine dolo et fraude. Item pronunciamus et laudamus, quod in prefata causa et suis emergentibus et dependentibus nobis .. arbitris predictis declaratione reservamus, quotiens fuerit oportunum. Demum ut dicta nostra pronunciatio in suis singulis capitulis timore pene partium utilitate considerata efficatius observetur, arbitramur et pronunciamus, quod pars prefatum nostrum laudum aut pronunciamentum seu aliquam eius partem non observans in sui penam camere apostolice quingentos florenos et domino .. principi Austrie similiter quingentos florenos ad unguem solvere teneatur. Quod quidem nostrum arbitramentum venerabilis pater et dominus dominus Georgius prepositus antedictus noster in hac parte collega de communi nostro consensu ad hoc electus partibus prefatis presentibus et audientibus de verbo ad verbum in scriptis recitavit, perlegit et publicavit. Nos igitur antedicti arbitratores et compositores etc. in fidem omnium premissorum ac in perpetuam rei memoriam prefatum nostrum arbitramentum in hanc formam redactum ac partibus hinc inde presentatum sigillis nostris propriis appensis preter me Conradum de Hallstat antedictum, cum pro tunc proprio caruerim sigillo, per sigillum venerabilis patris domini Hadmari decani ecclesie Sancti Stephani alias Omnium Sanctorum Wienne dicte diocesis per me ad hoc specialiter rogati sine ipsius ac dicte ecclesie Sancti Stephani suorumque successorum damno et detrimento hoc idem peragens duximus communiri.||
Acta sunt hec Wienne prefate diocesis, anno Domini millesimo quadringentesimo vicesimo octavo, die decima septima mensis Septembris, in scolis iuristarum in habitatione anteriori prefati venerabilis patris domini Casparis ordinarii, presentibus venerabilibus ac honorabilibus viris et dominis Paulo de Wienna decretorum doctore decretista, magistro Petro Pachmulne^ar licenciato in eisdem, Symone Celerario, Cholomanno Chnapp baccalaureo in decretis, Osualdo Strobl predicti domini prepositi capellano, canonicis regularibus prefati monasterii Neunburgensis, et Iohanne pedello iuristarum, Leonardo Vlme^ar, Nicolao To^ekchel laicis predicte Pataviensis diocesis pluribusque aliis fide dignis ad premissa specialiter vocatis pariterque rogatis.