Ich Lienhart Pe^alanter, phlege^ar zu Hintperg, vergich offenlich mit dem brief fu^er mich und all mein erben von des weingartens wegen, gelegen zu Phafsteten, genant der Teim, den ich Vlrichen dem Aribaitter zu Dre^askirchen ze kauffen gegeben hab nach lautt ains kaufbrieffs, den der erwirdig geistlich herr her Hainrich abbt des gotzhauss zum Heiligen Kre^awcz als gruntherr gevertigt und besigelt hat. Davon so gelob und verpind ich mich und mein erben gegen dem benanten abbt Hainrichen und allen seinen nachkomen mit meinen trewn wissentlich in krafft des briefs, also ob gesche^ach, das sy^e von der vertigung wegen, so mir vormalen umb den egenanten weingarten getan ist, oder von der egemelten vertigung wegen, die sy^e yecz dem egenanten Aribaitter getan habent, icht krieg, zuspru^ech, schaden nement, das sullen und wellen wir in alles ausrichten, ablegen und widerchern und sew davon bringen an allen iren schaden, getreulich und ungeve^arlich. Und sullent auch sy das haben zu mir und allen meinen erben unverschaidenlich und auf allem unserm gu^et, das wir haben in dem lannd ze Osterrich oder wo wir das haben, es sey erb oder varund gu^et, wie das genant ist, nichts ausgenomen, und des davon bechomen mit recht, so sy nagst mu^egen, wi^er sein lembtig oder tod.||
Mit urchunt des brieffs, besigelt mit meinem anhangundem insigl. Darczu^e hab ich mit vleiss gepeten den erbern Vlrichen Hi^erssawe^ar, statschreiber zu Wienn, mit seinem anhangundem insigl, im an schaden.||
Geben zu Wienn an freytag nach sand Pangreczen tag, nach Kristi gepurde virczehen hundert jar, darnach in dem achtunddreissigistem jare.