Wir Albrecht, von Gotes gnaden Ro^emischer kunig, zu allen czeiten merer des reichs, ze Hungern, ze Behem, Dalmacien, Croatien etc. kunig und herczog ze O^esterreich etc., bekennen fur uns und unser erben mit dem brief, als unser getreun .. die le^aut am Ku^eperg von i^eren gu^etern, die si besiczent, ie^arleich in unser graffschaft und zu der vessten ze Peylstain phlichtig sind gewesen, robat ze tu^on mit holczfu^or und zuakhergeen und uns dafu^er acht phunt phenning geben habent, si der zu vertragen, daz wir si derselben robat gnedicleich haben begeben, also daz si, ir erben und nachko^emen, die dieselben gu^eter nu fu^erbasser besiczen werdent, derselben robat davon nicht mer phlichtig sein sullen in dhain wege, wan wir si der gancz ledig sagen, ausgenomen der robat des vorsthaberns, was in des zugepu^eret ze fu^ern, den sullen si fu^ern, als von alter ist herko^emen.||
Mit urkunt des briefs, besigelten mit unserm angehangen insigel, das wir in unserm fu^erstentu^om O^esterreich geprauhen, der geben ist an phincztag nach dem heiligen phingsttag, nach Cristi gepu^erd vierczehenhundert jar, und darnach in dem newnunddreissigisten jare, unserr reich im andern jare.