Universis presentes litteras inspecturis frater Iohannes, abbas Cistercii nostrique tocius ordinis Cisterciensis plenaria potestate fungens, salutem in omnium salvatore et presentibus fidem indubiam adhibere. ||
Notum facimus, quod nos ex certa sciencia fecimus, constituimus et ordinavimus ac per presentes facimus, constituimus et ordinavimus tam coniunctim quam divisim venerabiles et in Christo nobis carissimos de Cesarea, de Ebraco et de Sancta Cruce in Austria monasteriorum ipsius ordinis coabbates nostros et eorum quemlibet in solidum, ita quod melior non sit prioris condicio nec subsequentis deterior, sed quod per unum fuerit inceptum per alium prosequi valeat et finiri, nostros et ipsius ordinis nostri ac personarum eiusdem veros, certos, legitimos et indubitatos procuratores, sindicos, yconomos, negociorum gestores generales et nunccios speciales in omnibus et singulis causis, querelis et controversiis nostris et dicti ordinis ac personarum eiusdem motis et movendis, tam in curia Romana quam alibi, contra quascumque personas ecclesiasticas, seculares vel laycas, tam eciam pro nobis et ordine predicto et personis ipsius quam contra nos et prefatum ordinem et personas eiusdem coram quibuscumque iudicibus tam ecclesiasticis quam secularibus in quocumque foro presidentibus seu pro iudicibus aut loca iudicum in iudicio sedentibus et loca tenentibus eorundem, dantes et concedentes eisdem procuratoribus nostris et eorum cuilibet per se et in solidum plenam et liberam potestatem ac mandatum speciale agendi et dicendi pro nobis et dicto ordine ac personis eiusdem resque, iura, bona, libertates et privilegia nostra et ipsius ordinis ac personarum eiusdem per omnes iuxta et iusticie vias defendendi ac super eisdem conveniendi et reconvendiendi, de locis quoque et iudicibus locaque et iudices eligendi et nominandi et si necesse fuerit recusandi, advocandi forum et iudicium declamandi, libellum seu libellos offerendi et oblatum seu oblatos reaperiendi, excipiendi, proponendi, replicandi, duplicandi, triplicandi, quadruplicandi litem seu lites, contestandi, iurandi quoque in animam nostram de calumpnia seu veritate dicenda et prestandi cuiuslibet alterius generis iuramentum, quod in causis exigitur et postulat iuris ordo, ponendi et articulandi posicionibus et articulis pro parte adversa productis, respondendi, testes, litteras, acta, privilegia et instrumenta pro parte adversa producta et exhibita copiamque productorum et exhibitorum petendi et obtinendi, concludendi, compromittendi, transigendi, paciscendi et concordandi compromissum suum seu compromissa sua fide et pena vallandi, renuncciandi, interlocutores arbitrales et diffinitivas sentencias audiendi, ab eis et quolibet iudiciali gravamen vel extra iudicium appellandi, appellacionem suam seu appellaciones prosequendi, intimandi, insinuandi, innovandi, apostolos et expensas petendi et recipiendi et de ipsis iurandi beneficium obsolucionis et restitucionis in integrum, si et quando necesse fuerit, impetrandi et obtinendi, recordenciam (!) de bonis et rebus nostris memoratique ordinis ac personarum eiusdem petendi et obtinendi et generaliter omnis et singula faciendi et exercendi preter mutuum contractum, que possunt et debent facere veri et legittimi procuratores, eciam si mandatum exigant speciale, et que nos faceremus seu facere possemus et deberemus in premissis et singulis premissorum, si presentes personaliter adessemus, ratum et gratum habentes et habituri, quidquid per predictos procuratores nostros vel alterum eorundem dictum, factum, actum gestumve fuerit seu eciam procuratum in premissis et quolibet premissorum promittentes sub ypotheca et obligacione omnium bonorum nostrorum et prefati ordinis ac personarum eiusdem mobilium et immobilium, si necesse fuerit iudicatum solvi et iudicio sisti cum suis clausulis oportunis. In quorum omnium et singulorum premissorum robur et testimonium sigillum nostrum una cum signis et subscriptionibus notariorum subscriptorum presentibus litteris duximus apponendum.||
Die decima mensis Decembris anno Domini mo cccco quinquagesimo.||
||
(Signum) I. de Vlmis||
Et ego Iohannes de Vlmis, presbiter Meldensis diocesis, magister in artibus, publicus auctoritate apostolica notarius, ... prenominatorum procuratorum quamvis absentium constitucioni et ordinacioni potestatisque donacioni, gratihabicioni, promissioni, submissioni et obligacioni ceterisque premissis, dum ut prefertur per reverendum in Christo patrem dominum abbatem Cisterciensem, quomodo supra nominibus agerentur, dicerentur et fierent, una cum notario publico et imperiali subscripto presens fui et ea sic fieri et dici vidi et audivi. Idcirco ad instanciam ipsius reverendi in Christo presbiteris signum meum solitum presentibus litteris hic me subscribendo una cum sigillo dicti reverendi patris ac signo et subscripcione prefati notarii subscripti apposui in fidem et testimonium veritatis omnium premissorum.||
||
(Signum) R. de Brieyo||
Et ego Robertus de Brieyo, clericus Metensis diocesis, publicus auctoritate imperiali notarius, ... prenominatorum procuratorum quamvis absentium constitucioni et ordinacioni potestatisque donacioni, gratihabicioni, promissioni, submissioni et obligacioni ceterisque premissis, dum ut prefertur per reverendum in Christo patrem dominum abbatem Cisterciensem, quomodo supra nominibus agerentur, dicerentur et fierent, una cum notario publico et apostolico superscripto presens fui et ea sic fieri et dici vidi et audivi. Idcirco ad instanciam ipsius reverendi in Christo presbiteris signum meum solitum presentibus litteris hic me subscribendo una cum sigillo dicti reverendi patris ac signo et suprascripcione prefati notarii suprascripti apposui in fidem et testimonium veritatis omnium premissorum.