Frater Johannes abbas Cistercii ... totius nostri Cisterciensis Ordinis et Capituli Generalis plenaria fungens potestate venerabilibus et in Christo nobis praecarissimis coabbatibus nostris monasteriorum de Sancta Cruce, de Runa et de (leerer Raum) salutem in donmino et meritorie feliciterque res sacra religionis nostra pertractare. Graves querimoniae super desolatione et quasi finali ruina monasterii nostri de Victoria jam a multis diebus et annis aures nostras simul et spiritum nostrum multipliciter infestantes adauxerunt littera venerabilis coabbatis nostri et conventus ejusdem loci, prasentibus sub contrasigillo nostro annexae, quas utique non sine magno cordis dolore perlegere valuimus. Nam tantis morbis jam diu est (!) occurrere cupientes commissiones plures ad diversos patres generosae nationis Germaniae et viciniores eidem monasterio instructione nostra deputavimus. Sed quidquid nonnulli ex patribus deputatis se super earum executione dicebant non solum obedientia ibidem habere non potuisse, verum etiam se eundo ibi, stando et revertendo in magnis personarum comitivaeque et rerum periculis fuisse, expensasque non modicas cum laboribus extremis pertulisse, et quod amplius eos gravabat, nihil inde proficere valuisse. Quidquid autem ut per pradictas litteras et nonnullas alias ad nos transmissas dictus coabbas noster culpam in aliis retorquens protestatur ejusdem monasterii perditionem et ab eodem alienationem non per ipsum sed propter defectum debitae defeusionis et auxilii a personis Ordinis procedere. Super quibus, quantum nobis desuper conceditur providere cupientes, vobis et duobus vestrum, de quorum discretionibus, prudentiis et fidelibus diligentiis plenam in domino habemus fiduciam, tenore praesentium committentes damus auctoritatem et mandatum speciale, ut expensis dicti monasterii de Victoria in omnibus istis vacationibus vos ad dictum monasterium personaliter, si vobis tutus pateat accessus, transferatis, ibidemque nostra et Generalis Capituli auctoritate, qua plenarie fungimur, et qua vobis in his fungi volumus, visitetis, reformetis, corrigatis, instituatis, destituatis omnia et singula quac secundum deum et nostra religionis salutaria instituta visitanda, reformanda, corrigenda, emendanda, instituenda et destituenda inveneritis, vosque diligenter et fideliter super cunctis in dictis litteris et ea tangentibus informetis, informationemque vestram sufficienter in scriptis redigatis seu redigi faciatis, compertaque rerum veritate per testes fide dignos et non suspectus, auditisque audiendis et consideratis considerandis, si inveneritis aliquos ex prioribus commissariis nostris jam aliquid super his laborasse, eorum laboribus vestris prasentibus laboribus jungatis et omni consilio finem et terminum per sententiam vestram definitivam imponatis. Si autem videritis, tutum non vobis patere accessum ad dictum monasterium, seu forte congressum pacificum, citetis peremptorie et personaliter eoram vobis dictum coabbatem nostrum ad certum et competentem diem et locum juxta communem discretionem vestram; et si comparuerit, omnia praemissa, secundum quod vobis fuerit possibile, sommarie et de piano faciatis. Si autem non comparuerit, contra cum sicut contra contumacem, prout juris fuerit et rationis, procedatis, ipsumque per sententiam excommunicationis et alias Ordinis et sanctae matris ecclesiae censuras et poenas juxta sua demerita et dispositionem rerum ac temporum compellentes, ut sententiae ac ordinationibus vestris plenarie acqnuiescat et obediat procuretque mediis possibilibus, quam cito rescriptum illud apostolicum in litteris suis memoratum, cujus copiam ad nos transmisit et quam ad vos cum litteris suis transmittimus, super alienatione dicti monasterii ab Ordine revocari. In qua prosecutione, si videritis, alia Ordinis monasteria eum juvare debere; faciatis in hac re secundum tenorem statutorum et diffinitionum Ordinis de modo defendendi Ordinis privilegia per quandam combinationem particularem, prout expediens videritis, ne diebus nostris vivis tam nobile membrum Ordinis ab ipso Ordine separetur. Si autem, quod deus avertat, dictum abbatem decedere aut monasterium ipsum quomodolibet vacare et fratres Ordinis Sancti||
Georgii vel quoscunqne alios manus eidem monasterio apponere, implorata sufficienter et devote cum omni humilitate, diligentia et sollicitudine auxilio christianissimi domini regis Romanorum, Caesaris augusti invictissimi de abbate Ordinis sufficiente et ydoneo immediate eidem monasterio provideatur, ipsumque confirmetis et sicut fieri potent in possessionem realem et actualem ipsum, hoc faciatis non parcendo appellationibus necessariis, si necesse fuerit, juxta peritorum consilium ad sanctam sedem apostolicam. Nos de his omnibus, quae feceritis, sufficienter informando et certificando, invocato ad praemissa et ea tangentia, si opus fuerit, brachii saecularis auxilio, consilio et favore.||
Omnibus igitur et singulis ejusdem monasterii de Victoria ceterisque nostri Ordinis regularibus personis firmiter damus in mandatis, in virtute salutaris obedientiae et sub censuris Ordinis, per vos taxandis, districtius praecipiendo, quatenus in praemissorum executione vobis tanquam nobis humiliter pareant et devote obediant. Datum in domo nostra de Gillejo sub appensione sigilli nostri die XV mensis Septembris anno domini millesimo, quadringentesimo nonagesimo octavo.

Source Fulltext: Zisterzienser-Chronik 12 (1900) S. 90-92