Frater Jobannes, abbas Cistercii . . . totius nostri Cisterciensis Ordinis et Capituli Generalis plenaria fungens potestate. Venerabilibus et in Christo nobis praecarissimis coabbatibus nostris monasteriorum de Sancta Cruce, de Zwettl et de Paumgartenberg salutem et post veritatis agnitionem debitae justitiae complementem ministrare. Sicut ex onere nostris humeris imposito recta et justa acta hilari mente suscipimus, approbamus et ratificamus, sic dubia et minus clara ad lucem justitia concurrente pro viribus ad debitam normam reducere satagimus. Licet igitur occasione cujusdam praetensae . . . . resignationis et subsequentis provisionis super dignitate abbatiali monasterii nostri de Campoliliorum minus juste, ut ad audientiam nostri Generalis Capituli anni millesimi quadringentesimi nonagesimi septimi delatum fuit, factarum, ipsum Generale Capitulum quandam edidit commissionem, per quam inter caetera vobis committebat, ut super praemissis resignatione et subsequente provisione vos plenius informaretis et ut juris esset, procederetis virtute cujus sic processentis prout nobis intimare curastis, qui certa die citatis partibus ad dictum monasterium de Campoliliorum post multa per vos ibidem actitata, altera partium non comparente ipsam utramque ad tunc proximum Generale Capitulum citaveritis, ab ulteriori executione dictae commissionis cessando. Quia tamen dicta pars ad nos et dictum Generale Capitulum certos misit articulos conquerens, se in praemissis resignatione et nova provisione non modice gravatam et justitiae remedium instantius requirendum. Sed quia de materia ista et circumstantiis certam scientiam non habemus, nos, qui omnibus nobis subditis justitiam pro viribus semper ministrare et ministrari cupimus, articulos ipsos ad vos in praesentibus sub contrasigillo nostro remittere decrevimus, vobis tribus aut altero se legitime excusante duobus vestrum committentes, districtius praecipimus, quatenus nostra et Capituli Generalis auctoritate dictas partes iterato debitis loco et tempore coram vobis personaliter citetis vosque super praemissis et aliis ab eis dependentibus plenius informetis et debita informatione habita, auditisque audiendis, visis videndis et consideratis considerandis querelas istas summarie et de plano, prout opportunum videritis, sententietis et determinetis, parti per vos condempnatas perpetuum silentium imponendo. Invocato ad praemissa, si opus fuerit, auxilio brachii saecularis ac etiam quoruncunque jurisperitorum consilio et directione. Omnibus igitur et singulis ejusdem monasterii de Campoliliorum regularibus personis firmiter damus in mandatis, quatenus in praemissis et ea tangentibus vobis tanquam nobis humiliter pareant et devote obediant. Datum in domo nostra de Gillejo sub appensione sigilli nostri die XVIII mensis Octobris anno domini millesimo quadringentesimo nonagesimo oetavo.

Source Fulltext: Zisterzienser-Chronik 12 (1900) S. 92-93