Nos frater Jacobus abbas Cistercii in Cabilonensi dioecesi ceterique diffinitores ... die quarta mensis Maji tempore rogationum anno domini millesimo quingentesimo secundo apud Cistercium celebrato facta fuit quaedam diffinitio, cujus tenor sequitur et est talis. Abbatibus de Runa, de Sancta Cruce et de Monte Mariae et cuilibet eorum in solidum committit praesens Generale Capitulum, quatenus, si per testes fide dignos, litteras obligatorias, scedulas aut recognitiones computationum, aresta aut alia sufficientia documenta quemcunque abbatem seu conventum aut quascunque personas Ordinis, cujuscunque nationis fuerint in quibuscunque pecuniarum, vini, bladi aut aliarum||
quarumcunque rerum sommis seu quantitatibus juste teneri et obligari reverendissimo domino nostro Cisterciensi et ejus conventui seu quibuscunque sui monasterii religiosis, conversis, donatis et continuis commensalibus invenerint, seu eorum alter invenerit, ad eisdem reverendissimo domino nostro suoque conventui et quibuslibet religiosis dicti monasterii perducat (?) seu eorumdem et cujusvis religiosis procuratori aut certo nuntio, ab eisdem mandatum speciale habenti integre solvendüm et realiter satisfaciendum, citatis citandis et auditis audiendis per omnes juris et justitiae vias ac Ordinis censuras somarie, simpliciter et de plano astringant et compellant seu eorum alter astringat et compellat. In plenaria Ordinis potestate. Datum in diffinitorio nostro Cistercii. Sub appensione sigilli diffinitorum ejusdem Capituli Generalis sub anno, die et mense praedictis.

Source Fulltext: Zisterzienser-Chronik 12 (1900) S. 249