ln nomine sancte et indiuidue trinitatis. Eberhardvs dei gratia. Salzburgensis Archiepiscopus. apostolice sedis legatus. in perpetuvm, Notum sit vniversis. quod nos ad peticionem. dilecti in Christo fratris. Haeinrici prepositi in sancto Georgio et ob reuerentiam Conuentus eiusdem ecclesie hominibus nostris aput traisinmv^or. in predio salzburgensis ecclesie commorantibus. hanc permissionem fecimus. Quod si aliquis possessiones suas. illarum quas a nobis sub certa pensione. census. iure quod vulgariter dicitur pvrchreht. possident. pro salute anime sue. predicto loco et sanctis quorum reliquie ibi continentur. legare uoluerit. hoc eis facere liceat. Ita tamen quod idem predium cum omni onere iuris quod dicitur bu^orchreht. ad monasterium prefatum transeat. Et debita Et antiqua pensio censvs. in signum proprietatis et adtinencie aput ecclesiam Salzburgensem permaneat. Vt autem hec nostra permissio in remedium anime nostre et successorvm nostrorum illibata permaneat. presentem cartam super hoc conscribi fecimvs. Et sigilli nostri munimine roborari. Data aput traisinmaur anno ab incarnacione domini M° CC° XX° VII° indictione XV°. Testes autem huius facti sunt. Vlricus episcopus lauentinus pernhardus prepositus frisacensis. Magister Hartmannus. plebanus de vanestorf. Eckhardus de Tanne. Fridaricus de pettauwe. Haeinricus vice dominus Salzburgensis. Gerhochus. Chunradus de Marchpurch. Wvlvingus de gech (gurch ?). Reimbertus plebanus de asparn.

Source Fulltext: BIELSKY, Sanct Georgen (=AÖG 9, Wien 1853) S. 287-288, Nr. 32