Rogerius dei gracia Patauiensis Ecclesie Episcopus. Omnibus presentes literas inspecturis salutem in eo qui est salus omnium. Cura ex officio pastoralis sollicitudinis teneamur necessitatibus subditorum succurrere. Et quibusque inxta singulorum merita uisceribus pietatis subuenire. eo amplius uolumus et debemus preces familiarium nostrorum admittere. quanto cognoscimus eos in amore nostro feruere deuocius. et nostris fidelius utilitatibus insudare. Hinc est quod ad noticiam cunctorum peruenire uolumus tam presencium quam futurorum. quod nos inspectis necessitatibus fidelis nostri domini Engelschalci Prepositi et conuentus sancti Georii insuper consideratis seruiciis que nobis tam diligenter quam fideliter exhibent pro modulo sue paruitatis remunerare uolentes affectum laudabilem quem erga nos habent. et habuerunt hactenus. quoddam ius uinearum quod uulgo perkreht dicitur quod singulis annis nobis de uineis suis in Chu^onalsteten existentibus persoluerunt, condonacione libera ipsis indulsimus. et auctoritate qua fungimur perpetuo concessimus possidendum. precipientes officialibus nostris qui sunt. et posthac esse poterunt auctoritate presencium ut nullus eos in hac concessione uel possit uel debeat. aliquatenus molestare. Igitur ne per nos factum misericorditer. uel iniquorum calumpnia. uel processu perturbetur temporis minus laudabiliter. dedimus in testimonium rei geste presentes literas sigilli nostri munimine roboratas. Datum in Neumburch per manum Magistri Ottonis notarii nostri. anno gracie M^o. CC^o. XL^o, III^o. XV^o. Kal. Decembris presentibus uiris venerabilibus. Hertwico de Chotwich. Ditrico de Sitansteten Abbatibus. Domino vlrico archydiacono de Memminge. Magistro Pilgrimo decano sancti ypoliti. Capellano domini de Zayzperck Chunrado capellano. Domino Hainrico de Merswanch. Hainrico nano. Reimberto de Aygen. Hartmudo officiali de Chu^onalgen. et aliis quam pluribus quorum nomina ignoramus.

Source Fulltext: BIELSKY, Sanct Georgen (=AÖG 9, Wien 1853) S. 297, Nr. 39