Ego Marquardus filius domini hainrici de zinzendorf, plebanus Ecclesie in Ranuoltzpach vniuersis presentem litteram inspecturis facio manifestum. discretum virum dominum Meinhardum sacerdotem, exhibitorem harum, in gremio ecclesie Hertzogenburgensis educatum, in filiali Ecclesia Redeprunn a me perpetuum vicarium hujus scripti Patrocinio confirmatum pro subscripta annua pensione. vt videlicet plebano in Ranuoltzpach, qui pro tempore fuerit, vnam libram denariorum wiennensis monete in festo beati Georii, et in festo beati Cholomanni proximo subsequente, vnam libram denariorum vsualium wiennensis monete persoluere teneatur. Ceterum dictus dominus Meinhardus, sollicita prudentia dictam Ecclesiam debet regere et diuinum Officium habere cum ministris necessariis, et in viuendo clericaliter se debet laudabilem exhibere. Si vero quod absit aliquid talium attemptauerit publice perpetrare, per que absque omni tergiuersacione potent clericalis dignitatis reuerentia viciari, ex tunc penam incidet, quam super huiusmodi culpa dictauerit ordo iuris. Insuper sibi trado liberam potestatem colligendi et recipiendi omnes prouentus eiusdem Ecclesie et sicut de eis voluerit ordinandi salvis tamen omnibus iuribus plebano in Ranuoltzpach villa competentibus in eadem. Item instante procuracione domini Pape legatorum, vel domini Episcopi Patauiensis, aut collecta alia qualicunque, in solucione huiusmodi procuracionum faciet, secundum quod tunc in consimilibus procuracionibus perpetui vicarii Ecclesiarum solent facere vicinarum. In cuius rei testimonium, ac evidens munimentum, presentem cartam sibi dedi mei sigilli munimine roboratam. Huius rei testes sunt. Dominus Ortolfus tunc Cantor Monasterii Medlicensis. Dominus Perchtramus tunc vicarius in Melch. wilhalmus de windsperch plebanus in Puchel. Petrus tunc scolasticus in Melch. Marquardus de Chueffarn. et alii plures fide digni. Actum et Datum Medlici. Anno Domini Millesimo CCC°. Quintodecimo. in vigilia Thome Apostoli.

Source Fulltext: FAIGL, Herzogenburg (Wien 1886) S. 52-53