Ich Eysenreich ze Hainreichsdorf vergih vnd tuen chunt, alle den die disen Prief an sechent, oder lesen horent, die nv lebent vnd her nach chunftig sind, das ich mit verdahtem mvet. vnd mit meiner pesten vreunt rat. vnd mit guetem willen meiner hausvravn vnd meiner prueder Petreins vnd Gotfrits vnd vlreichs vnd aller meiner erben, han gegeben. vnser Vravn Gotshaus in dem Piricheh. das gelegen ist pey Salapulka vnd gehort hintz Sand Jorgen Gotshaus ze Hertzogenburch. meins rehten aygens zway Lechen dev gelegen sind datz Hainreichsdorf, vnd dienent alle iar an Sand Michels tag paydev ain halbs pfunt wienner gemainer pfenning. vnd Sehtzig pfenning der selben mvnizz fuer weyset. vnd han das getan durch Got vnd vnserr vravn willen, vnd durch meiner sel vnd durch aller meiner vodern sel willen. vnd auch durch des erberen herren willen. hern lacobs. der ze den zeiten Pfarrer was datz dem vorgenanten Gotshaus vnserr vravn. der iz auch sunderleich. vmb mich vnd vmb mein vreunt vnd vmb mein prueder die vorgenanten verdient hat, vnd han dem vorgenanten Gotshaus vnser vravn daz vorgenant gvet gegeben mit aygenschaft vnd mit allem dem reht. mit nvtz vnd gewer. vnd ich iz vnd mein vodern haben gehabt. vnd han das getan ze den zeiten. do ich iz wol mit gantzem reht maht getuen. vnd schol avch ich Eysenreich des vorgenauten Guetes des vorgenanten Gotshauss vnserr vravn scherm sein nach landes sit vnd gewonhait in O^esterreich. Und dar vmb daz dev red vnd dev sach fuerwas ewichleichen stet vnd vnzewrohchen weleib gib Ich Eysenreich der vorgenant. hern lacoben dem vorgenanten pfarrer datz vnserr Vravn disen prief ze ainem ewigen vrchvnd. versigelt vnd westetiget. mit der Erbern Herren Insigel, wan ich noch mein prueder niht aygener Insigel haben, mit hern Otten Insigel van Cheyaw, hern Vlreichs Insigel dez Pvertdorfer, hern Wernharts Insigel van Stereyn. Des sind zevich. her Perhtold der prydmesdorfer. her Haydenreich van Pircheh. Gerolt der amman datz Hainreichsdorf vlreich der Ravt datz Hainreichsdorf. Hainreich der Swab daz Mandesdorf vnd sein prueder Poltz. Hainreich von Talein. Ortolf der messer da selben, vnd Hainreich Habniht. Hainreich der Mullner van Purchstal. Herman der amman ze Salapulka vnd Jans da selben, vnd ander Erber levt den die red chunt ist. Der prief ist gegeben, da van Christes gepurd warn ergangen. Tausent lar. Drev hundert lar. dar nach in dem Sehtzehetem lar. an Sand Gregorii tag in der Vasten.

Source Fulltext: FAIGL, Herzogenburg (Wien 1886) S. 53-54