Ich iunchfraw Clar zu Wienn vergich offenleich mit dem brief allen den Lewten die in ansehent lesent oder ho^erent lesen. daz ich mit wolbedachtem mut zu der zeit da ichz wol getu^en macht den Tisch der mein ist gewesen zu Herczogenburch vnd da man mir alle Iar ja^erleich von hat gedient zwaynczig Phunt Vnslyd den Erbern Chloster frawen han geben nach meinem tad also beschaydenleich daz sy meiner sel gedencken vnd got fu^er mich pitten furbas ewikleich. Vnd dez zu ainer pezzerr sicherhait gib ich in den brief versigelten mit der Erberr Lew^et anhangunden Insigeln Rugern von Rust de zeyt Markchtrichter ze Hertzogenburg vnd Maister Seczen zu Wienn de ich vleizzig dar vmb gepeten han in on schaden daz sy^e der sach zewg sind. Der brief ist geben da man zalt von Christi gepurd drewzehenhundert jar dar nach in dem fünf vnd achczigistem Iar an dem hayligen Suntag Oculi in der Vasten.

Source Fulltext: FAIGL, Herzogenburg (Wien 1886) S. 313