Honorabilibus in Christo patribus et amicis karissimis domino Iohanni venerabili Preposito Vlrico Decano Totique Capitulo in herczogenburkch Gebhardus diuina miseracione Prepositus Erhardus Decanus Totusque conuentus ecclesie sancte Katherine in Stencz cum deuotis oracionibus fraternam in Domino caritatem. Pensantibus nobis et animo sollicite reuoluentibus quod vita hominum velud vmbra velociter transeat sitque velud nauis cuius vestigium in aquis fluctuantibus non cognoscitur et tanquam auis aera transuoJans cuius itineris argumentum omnimodis ignoratur ita vt homo iain floridus et amenus in ictu oculi velud lanugo que flatu venti tollitur et tanquam fumus dispersus in aere quasi in nichilum redigatur, nec tunc sciri possit quis sit dignus odio vel amore visum fuit nobis super omnia expedire ut viri spirituales qui ea solum querere debent que sursum sunt non que super terram. decurrentia vite sue tempora sic preordinent. sic prouideant. sic disponant vt labore suo transsitorio quietem perpetuam valeant emercari Ad quod vtique fiendum nichil adeo credimus profuturum quam ut fusis pro inuicem piis obsecracionibus placabilem sibi reddant supernum iudicem qui in ira misericordie recordatur. Si enim secundum statum exterioris hominis qui sibimet quodammodo prestare potest aminiculum iubemur inuicem in caritate documentis apostolicis supportare Videtur oportunius et multo saluti congruencius vt interior homo noster qui disiunctus a corpore nil sibi prodesse poterit bonorum operum exerciciis et caritatiuis oracionum suffragiis adiuuetur Cum igitur religiosorum ecclesie federe singularis dileccionis indissolubiliter adunate cura semper ad hoc intendere debeat animo vigilanti vt qui nexu carnalis amoris hic fideliter coniunguntur. solutis eciam corporibus in spiritu feliciter congregentur Ecce nos Gebhardus diuina miseracione Prepositus Erhardus Decanus totusque conuentus noster pro nobis et omnibus succedentibus habita mautra deliberacione domino Johanni venerabili Preposito Vlrico Decano cunctisque fratribus congregatis in herczogenburkch nunc in vita manentibus et in futuro superuenientibus iuxta salubrem aliorum ordinum conswetudinem tali confederacionis vinculo nos astrinximus ut ex nunc in antea ipsi nostrarum nosque suarum oracionum tam in vita quam in morte participes existere debeamus ffraternitatem eandem sic firmare volentes vt si qui fratrum nostrorum fraterne caritatis gracia vel alio quocunque casu alterutrum visitare se voluerint in infirmitorio sev alias vbi prelato pla cuerit se recipiant prebendam que fratribus ibidem ministrari solet integraliter percepturi nisi forte prelatus hospitalitatis gracia eidem vberiora caritatis beneficia in mensa propria voluerit exhibere Preterea statuimus vt cum aliquis sui vel nostri consorcii vocante domino decesserit sacerdotum Camerarius ibidem vel alter habens ordinare de vestibus mortuorum diem obitus eiusdem alteri monasterio precio baioli de uestibus ipsius defuncti recepto per litteras debeat intimare Prepositus autem vel decanus audito obitu fratris defuncti mane capitulum convocabit et lecta litera coram eis vniuersi capitulares pro absolucione fratris eiusdem disciplinam accipiant corporalem dicendo interim illos psalmos qui pro fratribus et benefactoribus defunctis dici in capitulo consweuerunt Istis eciam qui capitulares non fuerint siue clerici fuerint uel conuersi a decano finito capitulo similem recipientibus disciplinam Quo facto idem decanus nomen defuncti statim ascribi libro faciat mortuorum In eadem eciam nocte si festum non impediat maiores vigilie cum sollempni compulsacione cantentur et missa pro defunctis mane sollempniter celebretur Missas nichilominus aliis legentibus in sequestro Quod si forte aliquem in eodem die ex casu contigerit abstinere. die que sibi proxime vacaverit suppleat quod neglexit Si autem festum aliquod interueniens in ipsa nocte vigilias impediat siue missam fiat nocte que proximo vacauerit subsequente Infra quem eciam tricennarium quilibet sacerdotum tres missas non computata eadem que in deposicione ipsius dici debuit pro defuncto celebret sacerdote Conuersi quoque et sorores trecenta dicant Pater noster Salutacionem beate virginis cuilibet adiungentes Quodsi aliquis fratrum infra sacerdocium constitutus aut certe conuersus vel soror viam vniuerse carnis ingressus fuerit nuncciata morte ipsius quinque psalmi consweti cum speciali collecta pro requie ipsius in capitulo sunt dicendi Sacerdotum autem quilibet unam infra ebdomadam proximam legat missam alii vero infra sacerdocium existentes pro eodem legant vigilias Conuersi uero et sorores centum dicant Pater noster Salutacionem beate virginis cuilibet adiungentes ffiatque eiusdem nocte eadem in vigiliis et mane in missa commemoracio specialis ffratres eciam nostros et benefactores defunctos tam salubris deuocionis gracia nolentes immunes relinquere. statuimus missam vnam vigiliis maioribus cum sollempni compulsacione precedentibus pro eisdem omnibus in vigilia beati Andree apostoli annis singulis celebrari In quo eciam die kalendario vbi fieri solet mortuorum memoria ascribi fecimus pronunciandum in capitulo annuatim Commemoracio confratrum qui de collegio Monasterii in herczogenburkch decesserunt Verum cum et nos adhuc viuentes in carne simus egentes diuine misericordia bonitatis vt status nostrarum ecclesiarum tam in rebus quam eciam in personis incolomis et indempnis deoque beneplacitus perseueret placuit nobis ut quilibet sacerdos nostrorum conuentuum tres missas vnam de sancta trinitate. aliam de beata virgine. terciam de omnibus sanctis ita ut hec collecta Deus qui caritatis dona Prime semper collecte sub vna conclusione iungatur infra aduentum domini deuote et impretermisse perpetuo debeat celebrare Et ne quispiam nobis succedencium de ignorancia huius religiosi voti valeat excusari ipsam formam compromisse fraternitatis libro regule annotari fecimus omni anno in die que vigiliam beati Andree precedit in nostris capitulis pro lectione regule recitanda Nichilominus hoc addentes quod si quis de nostris consorciis ductus desidia huius laboris socius existere noluerit. sit eciam et gracia que sequitur penitus alienus sic vt nomen eiusdem alteri monasterio cum obierit non scribatur. sed proprie ecclesie suffragiis tantummodo sit contentus Si uero aliquis ad portandos premissi oneris laboris sese obligauerit et per effectum idipsum explere non curauerit vtpote delusor fraterne fidei cum Dathan et Abyron sorbeatur. In cuius rei euidenciam et testimonii veritatem presentes litteras nostrorum sigillorum munimine videlicet prefati Gebhardi Prepositi et capituli nostri duximus firmiter muniendas. Datum in Stencz Anno Domini Millesimo Quadringentesimo Primo in die sancti Michahelis.

Source Fulltext: FAIGL, Herzogenburg (Wien 1886) S. 453-456