Wir Iohanns von gots gnaden des heiligen Romischenreichs Burggraue ze Maidburg vnd Graue ze Hardegk Bekennen. Das wir durich vnsers getrewn lieben Hannsen des Frels vleissiger pet willen vnd durich andacht fu^emf schilling wienner phenning gelts ze Chelestorff auf vberlendt vnd das holcz pey der Grass mit iren zugehorungen, daz weylent Hannsen des Newnhofer gewesen ist vnd daz der egenant Frel vor von vns ze lehen gehabt hat vnd fürbas zu der Kirichen gen Rewdning zu aim ewigen Iartag maynt ze geben zu der selben Kirichen genczleich geaygent haben mit Kraft dicz briefs bey derselben Kirichen in aygens rechten ewikleich ze beleiben als anndre aygne gu^eter die darczu^e gehorent vnd als aygens vnd lannds ze Osterreich recht ist an geuer. Mit vrkunt dicz briefs Besigilt mit vnserm anhangunden Insigill. Geben ze Krembs Nach Kristi gepurd vierzehenhundert Iar Darnach in dem achten Iare an Mittichen vor dem heiligen Pfingstag.

Source Fulltext: FAIGL, Herzogenburg (Wien 1886) S. 364-365