Wir Leupolt von gotes gnaden Herczog ze O^esterreich, ze Steyr, ze Kernden vnd ze Krain, Graue ze Tyrol etc. Bekennen. Als Wir vnsern getrewn lieben Çachreisen den Hadrer auf den nachstvergangen Suntag Quasimodogeniti zu dem vierden mal durch gelimphens wilen fu^er vns vnser herren vnd Ret ze komen mit vnserm briue geladen haben als auf einen endtag, sic ze verantwurten gen den Ersamen gaistlichen, vnsern andechtigen . . dem Probst vnd dem Capitel zu Herczogenburg von der vordrung vnd zuspru^ech wegen So Si zu Im mainent zehaben von ettlicher zehende wegen aus ettweuil Do^erffern vmb Drosendorf gelegen der er Sy entwert vnd dauon Siben vnd Sechczig Mutt getraid genomen hiet, vnd aber der egenant Hadrer auf den selben tag nicht komen ist vnd In auch yemand von seinen wegen versprochen vnd verantwurt hat Also haben vnser Herren vnd Ret die den doczemal bey vns waren zu dem Rechten erkant vnd gesprochen, Seyd der egenant Hadrer auf den vierden tag vnd als auf ainen endtag geladen vnd darauf nicht komen we^are vnd hiett In auch yemand mit vollen gewe^alten versprochen, der vorgenant Probst vnd das Capitel zu Herczogenburg hetten die egenanten Ir vordrung vnd zuspru\ech gen In behebt vnd erlanget, vnd solden wir Sy der egenanten zehend nucz vnd gewer schaffen geseczet vnd seiner hab vnd gu^eter fu^er die egenanten Siben vnd Sechzig Mutt getrayd, So er In ab den egenanten zehenden genomen vnd genossen hiett ingeantwurt werden, vnd dabey vestiklich halten vnd schirmen zu dem Rechten alslange vncz daz Si daruber von Im oder seinen erben vnklaghaft gemacht werden, vngeuerlich. Mit vrkund dicz briefs. Geben ze Wienn Mittichen nach dem Suntag Quasimodogeniti. Nach Chrits gepurde vierczehenhundert Iar darnach in dem Sibenden Iare.

Source Fulltext: FAIGL, Herzogenburg (Wien 1886) S. 362-363