Wir Albrecht von gotes genaden Hertzog ze Oesterreich ze Steyr ze Kernden vnd ze Krain Graue ze Tyrol etc. Enbietn vnserm liben getreun Pilgreimen von Puchaim vnserm Lannd Marschalich In O^esterreich vnser genad vnd alles gu^et. vns hat der erber geistleich vnser liber andechtiger . . . der Brobst ze hertzogenburgkh fürbracht wie das die erber Johanna vlreichs von Sittendorff hausfraw vnserm getreun liben Hannsen dem neydekher ainen wildpan vnd Waide, die ettwenn zw seinem hoff datz Mairhofen gehort haben ze kauffen geben hab des Sy nicht recht hab gehebt nach dem vnd er vnd sein gotshause die in langer nutz vnd gewer vntzt her inngebt (sic) vnd herbracht haben vnd in rechtleich zw geho^eren alls er vns des mit alten brifen aigenleich hat vnderbeist Emphelichen wir dir ernstleichen vnd wellen, das du den egenanten Brobst vnd sein gotzhause bey der gewere desselben wildpan vnd der waide von vnsern wegen vestichleichen haltest vnd Schirmest vnd nicht gestattest das in daran yeman kain irrung oder Inuell tu^e wider recht. Daran begeestu vnser maynung. Geben ze Hertzogenburgkh an Phintztag nach Sand Lucein Tag Anno Millesimo Quadringentesimo XVIIII°. d. d. in cons.

Source Fulltext: FAIGL, Herzogenburg (Wien 1886) S. 386-387