Theobaldus dei et apostolice sedis gracia Archiepiscopus Bisuntinensis Vniuersis et singulis Christi fidelibus presentes literas inspecturis Salutem in Domino sempiternam. Quoniam vt ait Apostolus omnes stabimus ante tribunal Christi Recepturi prout in corpore gessimus siue bonum fuerit siue Malum Opportet nos diem messionis extreme Operibus misericordie preuenire, et id seminare in terris quod Reddente Domino Recolligere ualeamus in celis spem firmam fiduciamque tenentes quoniam qui parce seminat parce et metet et qui seminat in benedictionibus de benedictionibus metet vitam eternam. Cum igitur prout accepimus a tribus annis citra pro augmentacione cultus diuini Venerabilis et circumspectus vir Dominus Virgilius Decanus Illustris ecclesie monastern in herczoburga ordinis sancti augustini deuocione motus sincera, de licencia et auctoritate Venerabilis et scientifici viri Domini lohannis Prepositi ecclesie prediete, quoddam ad honorem Dei Omnipotentis glorioseque virginis marie matris eiusdem atque omnium sanctorum et sanctarum curie celestis paradisi edifficare fecerit altare in ecclesia monastern predicti de suoque propno dotauit illud Cupientes itaque vt altare predictum congruis frequentetur honoribus et vt eo deuocius populus christianus confluat ad illud Nos de Omnipotentis Dei misericordia beatorumque petri et pauli apostolorum omniumque sanctorum et sanctarum ac beatorum Johannis euangeliste et stephani prothomartiris patronorum nostrorum meritis et intercessione confisi Omnibus vere penitentibus et Confessis qui prefatum altare ad honorem omnium sanctorum vt predicitur in ecclesia monastern de herczoburga constructum causa deuocionis visitauerint et ad opus ornamentorum eiusdem altaris manus porrexerint adiutrices aut qui super eodem missas celebrauerint uel ipsas audiuerint celebrari Quadraginta dies tociens quociens premissa fecerint in Domino misericorditer Relaxamus Presentibus literis perpetuis temporibus in suo robore duraturis Et per hoc non intendimus Dyocesano aliquod preiudicium in iuribus suis quomodolibet generari. In Cuius Rei Testimonium sigillum nostrum Rotundum presentibus literis duximus apponendum. Datum in Nainmarch patauiensis dyocesis die XXI^ma Augusti Anno Domini millesimo Quadringentesimo vicesimo quinto.

Source Fulltext: FAIGL, Herzogenburg (Wien 1886) S. 401-402