ICH Maister Hanns Zingk Pfarrer ze Hofsteten Ich Elspet Thoman des Neydlein seligen witib wir vergechen vnd Tuen kund offenleich mit dem brief allen lewten gegenburtigen vnd kunftigen das wir mit wolbedachtem muet vnd gueten willen ein viertail weingarten vnd ein Pawmgertel die do ligent hinden an des Erbirdingen geystleichen herren hern Johannsen Brobst zu Herczogenburg haws ze Reichenstorff das gelegen ist zwischen Hannsen des suezzen vnd Hannsen des geuater hewser zekawffen gegeben haben dem vorgenanten Erbirdingen geistleichen herren hern Johannsen Brobst ze Herczogenburg vnd dem Couennt doselbs vmb ein Sum gelts daran vns wol genuegt hat vnd der wir gancz vnd gar von In ausgericht vnd wezalt seinn ze rechten tegen an als vercziechen Also das der vorgenant Erbirdig geistleich herr der Brobst zu Herczogenburg vnd der Conuennt doselbs mit dem obgenanten viertail weingarten vnd dem Pawmgartlein sullen vnd mugen damit allen irn frum schaffen mit versetzen verkauffen schaffen machen vnd gebm wem sy wellen an all vnser vnd menigkleichs yrrung vnd widerred Auch sey wir obgenanten Ich Maister hanns zingk vnd ich Elspet Thoman des Neydlein seligen witib Ir rechter gewer fu^erstand vnd scherm für all ansprach als soleichs eribs scherms recht ist in dem Lannd ze O^esterreich. . . . vnd des czu einer waren vrchund So geben wir Ich obgenanter Maister Hanns Zingk vnd ich Elspet Thomann des Neydlein seligen witib, den brief versiglten mit meinem anhangundem Insigel Darunder ich mich obgenantew Elspet Neydlin verpind mit meinen trewn an aydes stat alles das stet ze haben vnd ze uolfueren das oben an dem brief geschriben stet, zu pesser gezeugnuss so haben wir vleyzzleich gepeten den Erbern Ekharten den Peleter das er der sach auch gezeug ist mit seinem anhangundem Insigel Im vnd seinn erben an schaden. Der brief ist geben an Erichtag vor vnser liebm frawntag zu der Liechtmess Nach Kristi gepurd virzehenhundert iar darnach Im Newnvndzwainczigistem Iare.

Source Fulltext: FAIGL, Herzogenburg (Wien 1886) S. 403-404