In dem namen der heyligen vnd vngetailten dreyvaltigkchait des vaters des suns vnd des heyligen geists. Amen. Wann in disem zergenglichen leben nichts gewissers dann die zeit des todes vnd nichts vngewisser dann die zeit des lebens, haben wier Ich Breid herrn Chuenraten von weissenberg tochter vnd weilent herrn Wernhartz von Pebran witib, den paiden got genad, vnd ich hanns vnd ich anna des obgenanten herrn Wernhartz von Pebran vnd der benanten Breiden chinder, vergehen fu^er vns vnd fu^er wilhalm vnd Margret, meiner obgenanten Breiden chinder vnd vnser egenanten Hannsen vnd Annen geswistreit, die zu iren beschaiden iaren noch nicht chomen sind, fu^er die wir vns wissentleich annemen, vnd darczu^e fu^er all vnser erben vnd nachchomen vnd tu^en chund offenleich mit dem brieff allen la^ewten den er fu^erchumbt als der vorgemelt herr Wernhart von Pebran an seinen leczten zeitten geschafft vnd geordent hat ein ewige Mess ze stifften in vnser frawn Capelln ze Hewnn, das wier denselben leczten willen vnd guten fu^ersacz nachzevo^elgen vnd genczleich ze volpringen mit wolbedachtem mu^et vnd gesundem leib nach Ratt vnser nagsten vnd pesten frewnt vnd erber la^ewt vnderweisung, vnd zu den zeitten da wier das rechtleich wol getu^en mochten, vnd zuvorderist Got dem almechtigen, der lobwierdigen chunigin lunkchfrawn Marien vnd allen Gotes heyligen zelob vnd ze eren vnd auch zu einer gedechtnu^ess des selben herrn Wernhartz vnser vnd all vnser varvadern vnd nachkomen vnd auch ze hayl vnd ze trost allen gelaubigen selen, zu derselben ewigen Mess gegeben vnd gestifft haben, geben, widem vnd stifften auch wissentleich in krafft des brieffs vnsers freyen aygens vnd purkchrechts, in den eren der lobwierdigen chunigin Junkchfrawn Marien in Ir vorgenante kirchen vnd goczhaws ze Hewnn, vnd einem iegleichen Pfarrer daselbs die hernach geschriben gu^elt vnd gu^etter von erst vnsers freyen aygens ain wisen genant die scheibl wisen vnd stosst an hannsen im lechen wisen vnd ist vier tagwerch Item ein tagwerch wismat zenagst des Megerleins wisen Item ein tagwerch zenagst Paull Erharten wisen Item drey Jeuchart Akcher gelegen zu Rottolsdorffer aussern veld Item drey Jeuchart Akcher gelegen im mittern veld zenagst Paull Erharten Item drey Jeuchart Akcher in nydern veld gen Hewnn wa^erts zenagst Rott Ottleins akcher, Item so sind das die purkchrecht ain Jeuchart akcher leit hinder der kirchen neben dem fuchsmair vnd dient gen anger ze purkch recht an sand Michels tag zehen phennig Item ain Jeuchart akcher stosst auf anger haid neben fleisch Erharten (?) vnd dient gen anger an sand Michels tag zehen phennig Item czway Jeuchart akcher leit das ain hinder der kirchen das ander in Diendorffer veld zenagst Wolfhart Zechmaister vnd dient gen anger zwainczig phennig an sand Michels tag Item ain Jeuchart gelegen zenagst Petrein auf dem anger, vnd dient gen anger zehen phennig an sand Michels tag Item ain Jeuchart stosst auf Petrein im gartten vnd dient der dyetlein acht phennig an sand Michels tag Item ain leuchart in mitter veld neben dem Ottlein vnd dient gen Zekhing sechs phennig an sand Michels tag Item. ain drittail ains tagwerch wismat neben dem leniher vnd dient gen anger acht phennig an sand Michelstag Item drey Jeuchart akcher da leit das ain neben dem leniher auf der laimgrueb das ander in mitterveld neben dem leniher das dritt im nyderveld neben dem fleischakher vnd dient zu der Mess sechs meczen chorn vnd sechs meczen habern an sand Giligen tag Item Siben Jeuchart akcher da ligent die vier in Rekhelstorffer veld neben Toml Herwarts die ander drey Jeuchart ligent auch in demselben veld vnd dienent gen Zekhing acht vnd vierczig phennig an sant Michels tag vnd zu der Mess zehen meczen chorn vnd zehen meczen habern auf Sand Gilgen tag Item ein halbs tagwerch wismat ze flewnstorff neben dem Solichenpartt vnd dient gen Sand Andre fu^enf helbling an sand Michels tag Item Syman Schoytter von Tyemdorf dient von einem lechen vierczehen schilling phennig an sand Michels tag Item Seidl der Vell daselbst dient von einem lechen vierczehen schilling phennig an sand Michels tag. Die vorgenanten gùtter alle wie dew genant sind es sein gu^elt zins dienst trayddienst wismat ackcher wie dew benant sein, nichts ausgezogen vns vnd vnsern erben nichts zu behalten also haben wir die genczleich geschafft geaygent gestifft vnd gewidemt vnd geben stifften aygen vnd widem auch wissentleich, mit dem brieff dem Erbern herren hern Iarenczen die zeit pfarrer vnser frawn goczhaws zu Hewnn vnd allen seinen nachkomen Pfarrern daselbs also das sew dew innhaben nuczen vnd messen schullen mit allen eren rechten vnd nuczen so sew dauon becho^emen mugen stifften vnd sto^eren ausgenomen die vorgenanten czway lehen schol er nicht steuren(?) in solicher mainung das der obgenant Pfarrer vnd all sein Nachkomen einen erbern wolgelerten Priester dauon halden vnd dem ierleich zu rechtem sold geben vier phunt phennig, vnd dann auch sonst in allen sachen halden vnd verwesen als die andern sein gesellen der selb Capellan schol einem iegleichen Pfarrer gehorsam sein in allen sachen vnd einem Priester zuegebu^ert er schol auch in der obgenanten kirchen zu Hewnn in sand Annen Capelln ein mess tegleich ze sprechen gepunden sein ausgenomen an dem erichtag mag er feyern auch ist ze merkchen das der obgenant herr Larencz vnd sein Nachkomen auch in sand Anna Capell singen schol all Montag ein selampt vnd sonst in der wochen alle tag vor der Mess ein Salue Regina vnd vnder dem selampt gepeten werden vmb die sel wer aber das der obgenant herr Larencz oder sein Nachkomen die obgeschriben Mess vnd auch den andern goczdienst nicht genczleich ausrichten vnd volpringen als oft der stuck vil oder wenig versawmt wurden, so schol ein iegleicher Pfarrer vmb iedew sawmnuss besunder zu rechter Pen vervallen sein zugeben ain phunt wachs der kirchen geschech aber das dew sawmung so gross wurd das vns verdru^ess so schullen vnd mugen wier vnd vnser erben der obgenanten guetter vnd gu^elt vns vnderwinden als lang vncz das die sawmung des gestifften goczdienst nach allem vnserm wolgefallen volpracht vnd ausgericht worden ist an allen abgang vnd an allen auszug . . . vnd das die obgeschriben stifft vnd handlung also sta^et vnd vnczerbrochen beleib darv^eber so geben wir all obgenanten fu^er vns vnd all vnser erben dem offtgenanten herrn Larenczen vnd allen seinen Nachkomen den brieff wenn wier all obgenant iczt aygens Insigel nicht enhaben so haben wir mit vleyss gepeten die Edlen vnsern lieben Ochem herrn lo^erigen Brukhendorffer vnd herrn Hannsen den Neydegger das sy die stifft an vnser stat besta^ett vnd gefertigt habent mit iren anhangunden Insigeln In vnd Irn erben an schaden, darunder wier vns verpinden mit vnsern trewn alles das stet ze haben was vor an dem brieff geschriben stet auch sind der sach zeugen, auch durch vnser vleyssich gepet willen der Erber herr her Caspar Gensl Pfarrer zu Chueffarn auch mit seim anhangundem Insigel im an schaden vnd Peter der Ru^ekhendorffer von Abstorff auch mit seim anhangenden Insigel im vnd sein erben an schaden. Der brieff ist gegeben zu Zekhing nach Christi gepurd vierczehenhundert Iar darnach in dem ains vnd dreissigistem Iar an Sand Go^erigen tag des heiligen Ritter vnd Martirer.

Source Fulltext: FAIGL, Herzogenburg (Wien 1886) S. 412-416