Wir Albrecht von gots genaden herczog ze Osterreich ze Steyr ze Kerenden vnd ze Krain Markgraff ze Mearchen vnd graue ze Tyrol etc. Enbieten vnserm getrewn Philippen dem Dossen vnserm Phleger ze lengpach vnser genad vnd alles gu^et. Wir lassen dich wissen das wir von der czwitrecht wegen dye czwischen . . . dem Probst vnd den leuten zu Herczogenburg sind gebesen von ainer vischwaid vnd andere gru^ent wegen bey Herczogenburg gelegen ain auspruch getan vnd in dem selben auspruch dem Probst vnd seinem goczhaws dye egemelten vischwaid auf der Traysem zugesprochen haben, alls das vnser Spruchbrief darv^eber gegeben ausweisent Enphelhen wir dir vnd wellen ernstleich das du In von vnsern wegen bey der selben vischwaid haltest vnd schirmest vnd nicht gestattest das Im darein gegriffen werde. Daran tust du vnser mainung. Geben ze wyenn an Eritag nach sand vlreichs tag Anno etc. Tricesimo secundo.

Source Fulltext: FAIGL, Herzogenburg (Wien 1886) S. 418-419